Урад вызначыў нарматывы расходаў на навучанне ва ўстановах адукацыі. Гэта прадугледжана пастановай Савета Міністраў ад 27 снежня 2023 года нумар 942, якая афіцыйна апублікавана на Нацыянальным прававым інтэрнет-партале.
Згодна з дакументам, нарматыў расходаў на навучанне і выхаванне аднаго навучэнца на 2024 год складае ва ўстановах агульнай сярэдняй адукацыі, размешчаных у гарадах, пасёлках гарадскога тыпу, Br3109,52 у год, у сельскіх населеных пунктах, - Br7058,31 у год.
Ва ўстановах дашкольнай адукацыі, размешчаных у гарадах, пасёлках гарадскога тыпу, - Br4033,85, у сельскіх населеных пунктах, - Br4943,08.
Нарматыў расходаў на навучанне і выхаванне аднаго навучэнца на наступны год, які асвойвае змест адукацыйных праграм прафесійна-тэхнічнай адукацыі, складае Br4940,17, сярэдняй спецыяльнай адукацыі, - Br4438,16.
БЕЛТА