Выпускныя іспыты ў 9-х класах школ Беларусі пройдуць з 1 па 9 чэрвеня.

Выпускныя іспыты ў 9-х класах школ Беларусі пройдуць з 1 па 9 чэрвеня. Такая інфармацыя размешчана на сайце Міністэрства адукацыі.

Выпускныя іспыты на II ступені агульнай сярэдняй адукацыі пройдуць з 1 па 9 чэрвеня (асноўныя тэрміны) і з 21 па 25 жніўня (іншыя тэрміны).

Экзамены для навучэнцаў, якія асвойваюць змест праграмы базавай адукацыі, навучэнцаў з парушэннямі функцый апорна-рухальнага апарата, парушэннямі зроку, цяжкасцямі ў навучанні, для навучэнцаў першага аддзялення спецшколы, спецшколы-інтэрната для навучэнцаў з парушэннем слыху, якія асвойваюць змест праграмы спецыяльнай адукацыі на ўзроўні агульнай сярэдняй адукацыі, праводзяцца ў форме выкладанняў па беларускай і рускай мовах (на гэта адводзіцца па чатыры астранамічныя гадзіны), у форме кантрольнай работы па матэматыцы (адводзіцца чатыры астранамічныя гадзіны), а таксама ў вуснай форме па білетах па гісторыі Беларусі. Большасць дзевяцікласнікаў пераказ па беларускай мове напішуць 1 чэрвеня, пераказ па рускай мове - 5 чэрвеня, кантрольная работа па матэматыцы адбудзецца 7 чэрвеня.

Выпрабаванні па пісьмовых прадметах пачнуцца ў 9 гадзін. Тэксты і заданні будуць аб'яўлены праз сродкі масавай інфармацыі - па тэлебачанні і радыё, а таксама будуць размешчаны на сайце Міністэрства адукацыі.

Экзаменацыйныя білеты па гісторыі Беларусі размешчаны на Нацыянальным адукацыйным партале і на сайце Міністэрства адукацыі. У ведамстве звярнулі ўвагу, што другое пытанне білета прадугледжвае выкананне практычнага задання, накіраванага на праверку ўмення вучняў працаваць з рознымі крыніцамі гістарычнай інфармацыі: фрагментам гістарычнага дакумента, гістарычнай картай, схемай, табліцай, дыяграмай, графікам, фрагментам артыкула і ілюстрацыяй. У гэтым навучальным годзе іспыт будзе праводзіцца з выкарыстаннем адзіных практычных заданняў, якія з'явяцца на Нацыянальным адукацыйным партале 25 траўня. Яны ў сваю чаргу будуць выбраны з распрацаваных настаўнікамі гісторыі заданняў, якія ўжо размешчаны на партале ў рубрыцы «Практычныя заданні для выпускнога экзамену» і рэкамендаваны да выкарыстання для падрыхтоўкі да іспыту.

Пачынаючы з 25 мая ў школах павінны праводзіцца кансультацыі па падрыхтоўцы да выпускных іспытаў па раскладзе, зацверджаным кіраўніком установы адукацыі.

БЕЛТА