XII Форум рэгіёнаў Беларусі і Расіі стартуе ў Ніжнім Ноўгарадзе. Галоўныя тэмы і чаканні

Умацаваць гандлёва-эканамічныя, навукова-адукацыйныя і культурныя сувязі Саюзнай дзяржавы - Форум рэгіёнаў Беларусі і Расіі стартуе ў Ніжнім Ноўгарадзе. Тэма гэтага года - маладзёжная палітыка і спадчына Вялікай Перамогі.

Першы Форум рэгіёнаў прайшоў у 2014 годзе ў Менску. Ён быў прысвечаны ўзаемадзеянню ў аграпрамысловай сферы. Ідэя зарэкамендавала сябе як добры прыклад развіцця рэгіянальнага супрацоўніцтва дзвюх краін.

Геаграфія Форума рэгіёнаў Беларусі і Расіі

Было прынятае рашэнне праводзіць форум штогод: па чарзе ў кожнай з краін. За гэтыя гады яго прымалі Сочы, Мінск і Мінская вобласць, Масква, Магілёў, Санкт-Пецярбург, Гродна, Уфа, Віцебск і Віцебская вобласць. А ў 2025 годзе - Ніжні Ноўгарад.

Форум рэгіёнаў Беларусі і Расіі ў лічбах

Дарэчы, папярэдні, XI Форум Беларусі і Расіі, які прайшоў у Віцебскай вобласці, абнавіў свае абсалютныя рэкорды. Было падпісана каля 250 пагадненняў аб супрацоўніцтве, заключана кантрактаў на суму больш за 1 млрд беларускіх рублёў. У гэтым годзе, як чакаецца, будзе падпісана больш за 100 кантрактаў на суму звыш 700 млн беларускіх рублёў.

Тэмы XII Форума рэгіёнаў Беларусі і Расіі - 2025

Усяго ў час форуму будзе працаваць 7 секцый - гэта прававое супрацоўніцтва ў рамках Саюзнай дзяржавы, міжрэгіянальнае супрацоўніцтва, маладзёжная палітыка і маладзёжныя аб'яднанні ў развіцці трансгранічных сувязей Расіі і Беларусі, прамысловая кааперацыя, аграрны сектар і захаванне гістарычнай памяці.

Відэа

news.by