За выхадныя дні ў Магілёўскай вобласці адбылося 6 пажараў. У ходзе аператыўнай працы выратавалі 3 жылыя дамы і 2 гаспадарчыя пабудовы, паведаміла старшы інспектар абласнога ўпраўлення МНС Вольга Нехарошых.
Так, у суботу ўвечары гарэў прыватны жылы дом па вуліцы Садовай у аграгарадку Любінічы Шклоўскага раёна. Выратавальнікаў выклікалі суседзі. На вуліцы падраздзяленне МНС сустракала 54-гадовая гаспадыня жылля, якая паведаміла, што ў доме нікога няма. Пажар аператыўна ліквідавалі: у выніку здарэння пашкоджана маёмасць і закураныя сцены ў доме. Меркаваная прычына ўзгарання – кароткае замыканне электраправодкі.
Яшчэ адно здарэнне адбылося ў нядзельны вечар у вёсцы Сямікаўка Бялыніцкага раёна. Загарэўся нежылы дом, які належыць 80‑гадоваму жыхару суседняй вёскі. Агонь не пашкадаваў будынак: знішчана 80 кв. м даху, пашкоджана 30 кв. м перакрыцця і маёмасць у доме.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
