Сістэму звароту электронных рэцэптаў выкарыстоўвае 41 арганізацыя аховы здароўя Магілёўскай вобласці, яшчэ 15 знаходзяцца ў стадыі падключэння. Пра гэта паведамілі ў галоўным упраўленні па ахове здароўя аблвыканкама.

«Укараненне электроннага рэцэпта дазваляе мінімізаваць час на яго афармленне, выключыць падробку, дубляванне, пазбегнуць памылак, узмацніць кантроль набыцця лекавых сродкаў і аптымізаваць выдаткі на аплату льготных рэцэптаў», – адзначылі суразмоўцы.

Грамадскае абмеркаванне законапраекта «Аб змяненні законаў па пытаннях донарства крыві і яе кампанентаў» адбудзецца 20 ліпеня ў 15.00 у актавай зале Магілёўскай цэнтральнай паліклінікі (вул. Піянерская, 15). Пра гэта карэспандэнту сайта паведамілі ў абласной станцыі пералівання крыві.

Да абмеркавання запрашаюцца ўсе жадаючыя. Азнаёміцца з законапраектам можна тут. Даведкі па тэлефонах 8 (0222) 25-08-37, 25-74-06.

Паводле дадзеных маніторынгу з пачатку сезона ў медыцынскія арганізацыі Магілёўскай вобласці звярнулася больш за 2,5 тыс. чалавек, пацярпелых ад укусаў кляшчоў, у тым ліку 760 дзяцей да 17 гадоў уключна, паведамілі ў абласным цэнтры гігіены, эпідэміялогіі і грамадскага здароўя.

Мадэльны цэнтр па навучанні бацькоў асновам бяспечнай жыццядзейнасці дзяцей створаны на базе Магілёўскай абласной дзіцячай бальніцы.

Сямнаццаць брыгад хуткай медыцынскай дапамогі будзе дзяжурыць на свяце «Купалле» («Александрыя збірае сяброў») у аграгарадку Александрыя Шклоўскага раёна, паведамілі ў аргкамітэце мерапрыемства.

У Магілёўскай вобласці абмежавана купанне ў вадаёмах пяці зон адпачынку. Пра гэта карэспандэнту сайта паведамілі ў абласным цэнтры гігіены, эпідэміялогіі і грамадскага здароўя.

Купанне дзяцей абмежавана на адной зоне рэкрэацыі – пляжы Пячэрскага возера. У той жа час купанне дзяцей і дарослых прыпынена на Грабянёўскім вадасховішчы, Дняпры ў Магілёве, каля вёскі Палыкавічы і на сажалцы вёскі Вільчыцы Магілёўскага раёна.

Найлепшых урачоў Беларусі па выніках 2017 года назвалі ў Мінску. Урачыстая цырымонія прайшла ў Палацы Рэспублікі напярэдадні Дня медыцынскіх работнікаў.

У Магілёве і Магілёўскім раёне 13 чэрвеня адбудзецца інфармацыйна-адукацыйная акцыя «Лічбы здароўя: артэрыяльны ціск». Пра гэта паведамілі ў занальным цэнтры гігіены і эпідэміялогіі.

Мерапрыемства пад слоганам «Кантралюем ціск – падаўжаем жыццё» праводзіцца сумесна з акцыяй «Пазбегнуць інсульту» з мэтай павышэння інфармацыйнай граматнасці насельніцтва па пытаннях прафілактыкі хвароб сістэмы кровазвароту, фарміравання навыкаў самакантролю артэрыяльнага ціску.

Больш за 280 маладых урачоў у гэтым годзе атрымае першыя працоўныя месцы ў Магілёўскай вобласці. Гэта практычна ўдвая больш, чым 3-4 гады таму назад, паведамілі ў аблздраве.

Самыя запатрабаваныя – хірургі і педыятры. Першых недастаткова ў раёнах, а недахоп дзіцячых урачоў адчуваюць Магілёў і Бабруйск. Нават пасля размеркавання маладых спецыялістаў застануцца вакантныя месцы. А вось вузкімі спецыялістамі, такімі як лор-урач, афтальмолаг і неўролаг, установы аховы здароўя Магілёўшчыны цалкам укамплектуюцца.

Рэспубліканскі семінар «Школа галоўнага акушэра-гінеколага» пройдзе 25 мая на базе гасцініцы «Турыст» у Магілёве. Тэмай сустрэчы стане міждысцыплінарнае ўзаемадзеянне ў акушэрстве і гінекалогіі, паведаміла начальнік аддзела аховы мацярынства і дзяцінства і па рабоце са зваротамі грамадзян і юрыдычных асоб упраўлення аховы здароўя аблвыканкама Вікторыя Купчанка.

У Магілёўскай вобласці ў летні перыяд з выкарыстаннем сродкаў рэспубліканскага бюджэту плануецца аздаравіць 42,1 тыс. дзяцей. Пра гэта паведаміў начальнік Магілёўскага абласнога ўпраўлення Рэспубліканскага цэнтра па аздараўленні і санаторна-курортным лячэнні насельніцтва Юрый Яфімаў.

У лагерах з кругласутачным знаходжаннем плануецца аздаравіць 17 460 школьнікаў, з іх 2022 – у спартыўна-аздараўленчых лагерах. У дзённых – 24 640 дзяцей, у тым ліку 7677 – у спартыўна-аздараўленчых лагерах.

У Магілёве і Магілёўскім раёне з 7 па 16 мая пройдзе інфармацыйна-адукацыйная акцыя «Лічбы здароўя: артэрыяльны ціск». Аб гэтым карэспандэнту сайта паведамілі ў занальным цэнтры гігіены і эпідэміялогіі.

Мерапрыемства пад слоганам «Кантралюем ціск – падаўжаем жыццё» праводзіцца сумесна з акцыяй «Пазбегнуць інсульту» з мэтай павышэння інфармацыйнай граматнасці насельніцтва па пытаннях прафілактыкі хвароб сістэмы кровазвароту, фарміравання навыкаў самакантролю артэрыяльнага ціску.

У Беларусі зменены графік работы ўстаноў аховы здароўя ў бліжэйшыя выхадныя і святы, паведамілі ў прэс-службе Міністэрства аховы здароўя.

Бальнічныя арганізацыі аховы здароўя будуць працаваць:

-14 і 28 красавіка - па графіку суботняга дня,

- 15 і 29 красавіка - выхаднога дня,

- 16 і 30 красавіка - рабочага дня,

- 17 красавіка і 1 мая - святочнага дня.

Магчымасці арганізацыі працы новай падстанцыі хуткай медыцынскай дапамогі ў мікрараёне Казіміраўка Магілёва сёння абмеркавалі на пашыранай нарадзе ў старшыні Магілёўскага гарвыканкама Уладзіміра Цумарава.

Новы корпус для ўстаноўкі магнітна-рэзананснага тамографа (МРТ) пачалі будаваць у Магілёўскай гарадской бальніцы хуткай медыцынскай дапамогі. Пра гэта паведамілі ў медыцынскай установе.

Смяротнасць ад сухотаў у Магілёўскай вобласці за апошнія 10 гадоў знізілася на 73% і склала 2,9 на 100 тыс. Аб гэтым карэспандэнту сайта паведаміў галоўны пазаштатны фтызіятр вобласці Віктар Варабёў.

«Тым не менш эпідэмічная сітуацыя з сухотамі ў рэгіёне застаецца напружанай, – падкрэсліў суразмоўца. – Перш за ўсё гэта звязана з асаблівасцямі сучаснага патамарфоза захворвання, які характарызуецца вострым прагрэсавальным  працэсам, перавагай лекава-ўстойлівых формаў».

У Магілёве 6 сакавіка адбудзецца адкрытая сустрэча з вядомымі ўрачамі ў галіне неўралогіі і кардыялогіі. Гэта будзе свайго роду «народная» прэс-канферэнцыя, на якой усе наведвальнікі змогуць задаць пытанне ўрачам, даведацца вычарпальную інфармацыю аб прычынах інсульту, метадах дыягностыкі і прафілактыкі, атрымаць медычную кансультацыю і персанальныя рэкамендацыі.

Спецыялісты кажуць, што часта людзі, вымяраючы артэрыяльны ціск дома, дапускаюць памылкі і атрымліваюць у выніку няправільныя вынікі. Таму падчас мерапрыемства будзе арганізаваны майстар-клас па вымярэнні АЦ.

Акцыя «Здароўе – выбар новага пакалення!» адбудзецца ў Магілёўскай вобласці 15 лютага. Мерапрыемства пройдзе ў рамках Дня прафілактыкі інфекцый, якія перадаюцца палавым шляхам, паведамілі карэспандэнту сайта ў абласным скурна-венералагічным дыспансеры.

У Магілёўскай гарадской бальніцы хуткай медыцынскай дапамогі сталі праводзіць аперацыі па лазернай каагуляцыі сятчаткі. Гэта стала магчымым дзякуючы новаму камбінаванаму афтальмалагічнаму лазеру.

Апарат падобнага класа ў абласным цэнтры адзіны. Ён быў набыты за сродкі гарадскога бюджэту. Гэта планавыя закупкі. Лазерная каагуляцыя сятчаткі будзе праводзіцца ў шпіталі бясплатна па накірунку з паліклінік.

Дзіцячыя малюнкі сталі размяшчаць у магілёўскіх бальніцах. Гэта своеасаблівы праект па арт-тэрапіі для дзяцей і дарослых.

Арт-студыя «Гекльберы» даўно супрацоўнічае з Магілёўскай абласной дзіцячай бальніцай. Справа ў тым, што многім выхаванцам студыі калісьці дапамаглі ўрачы-прафесіяналы, і зараз сваімі карцінамі дзеці кажуць «дзякуй» за жыццё і здароўе. У бальніцы ўжо арганізавана цэлая выстава, аўтарамі якой сталі маленькія магілёўцы.