ПереводчикАрхіў навін
У Брэсце адбыліся адкрыты Кубак і першынство краіны па лёгкаатлетычных мнагабор’ях. У турніры прынялі ўдзел спартсмены з усіх рэгіёнаў краіны.
Прадстаўнікі Магілёўскай вобласці заваявалі 1 залаты, 1 бронзавы медалі і занялі трэцяе месца ў агульнакамандным заліку. Абедзве ўзнагароды на рахунку юніёрак у жаночым сямібор’і. Пераможцай першынства краіны стала Аляксандра Сяліцкая, бронзавым прызёрам – Дзіяна Пруднікава.
Першае месца ў агульнакамандным заліку ў шматборцаў Гомельскай вобласці, на другім – лёгкаатлеты Гродзеншчыны.
Тэатралізаваны паветраны бой стане часткай прысвечанага Дню Незалежнасці Беларусі святочнага мерапрыемства, якое пройдзе на Буйніцкім полі 3 ліпеня.
У неба паднімуцца тры самалёты Як-55, хуткасныя, лёгкія, манеўраныя. Два пакажуць савецкую тэхніку, яшчэ адзін – варожую.
«Здавайце кроў, хай у свеце пульсуе жыццё» – дэвіз Дня донара, які свет адзначыць 14 чэрвеня. У гэты дзень жыхарам Магілёўскай вобласці прапануюць далучыцца да акцыі па бясплатнай здачы крыві.
У Магілёве на праспекце Міру пачаўся рамонт дарожнага пакрыцця на ўчастку ад перакрыжаванняў з вуліц Першамайскай і Касманаўтаў. Рух транспарту не перакрываюць, аднак кіроўцам трэба быць максімальна ўважлівымі і асцярожнымі.
У свята Ушэсця Гасподняга 10 чэрвеня адбудуцца ўрачыстасці ў гонар 380-годдзя Свята-Узнясенскага жаночага Баркалабаўскага манастыра. Боскую літургію ў манастыры ўзначаліць мітрапаліт Мінскі і Заслаўскі Веніямін, Патрыяршы Экзарх усяе Беларусі. Дапамагаць яму будзе епіскап Бабруйскі і Быхаўскі Серафім.
Прыбыццё мітрапаліта Веніяміна чакаецца ў 9.00. Пачатак службы – у 9.05. Яна будзе доўжыцца прыкладна да 10.30–10.40.
Беларуская дзяржаўная ордэнаў Кастрычніцкай рэвалюцыі і Працоўнага Чырвонага Сцяга сельскагаспадарчая акадэмія і Куньмінскага металургічнага каледжа (КНР) падпісалі дагавор аб супрацоўніцтве. Пра гэта паведамляецца на сайце ВНУ.
Прыярытэт будучай пяцігодкі – здароўе нацыі. Адпаведная дзяржпраграма прадугледжвае будаўніцтва фізкультурна-аздараўленчых комплексаў па ўсёй краіне, у тым ліку ў аддаленых райцэнтрах. Так, у Хоцімску гарадскі стадыён папоўніўся пляцоўкамі для варкаўта і міні-футбола. Неўзабаве тут адкрыюць яшчэ адну – для хакея на траве. Прынята рашэнне і аб будаўніцтве басейна.
Міхаіл Куксянкоў, старшыня Хоцімскага райвыканкама:
Тэма пандэміі па-ранейшаму адна з самых надзённых ў свеце. Не абышла яна і глыбінку Магілёўшчыны – Хоцімскі раён. Першага пацыента з COVID-19 тут зарэгістравалі ў красавіку 2020-га. За гэты час на каранавірус перахварэлі многія, прычым некаторыя нават двойчы. Сёння на парадку дня не толькі лячэнне, але і вакцынаванне. Прышчэпкі ад каранавіруса ўжо паспела зрабіць некалькі соцень хацімчан, і гэты працэс працягваецца. У ліку медыкаў, якія ратуюць жыхароў раёна ад пандэміі, – маладая пара Аксана і Альберт Пушыставы.
У сталіцы Расіі правялі юбілейную 60-ю «Вялікую Маскоўскую рэгату» па акадэмічным веславанні.
Удзел у міжнародным турніры прынялі весляры з 7 краін. На рахунку беларускай каманды 4 залатыя, 1 сярэбраная і 2 бронзавыя ўзнагароды. Сярод пераможцаў і прызёраў спаборніцтваў прадстаўнікі Магілёўскай вобласці. У складзе экіпажа мужчынскай чацвёркі парнай залатыя медалі на дыстанцыях 2000 м і 500 м выйгралі Яўген Залаты і Арцём Лапуцін. А ў складзе экіпажа жаночай чацвёркі парнай залатую ўзнагароду на дыстанцыі 500 м і сярэбраную ў гонцы на 2000 м заваявала Дар’я Новікава.
Дзень адчыненых дзвярэй правядзе 29 чэрвеня з 9.00 да 13.00 Магілёўскае дзяржаўнае вытворчае лесагаспадарчае аб’яднанне. Галоўныя спецыялісты ў названыя тэрміны будуць знаходзіцца на сваіх працоўных месцах, каб пры сустрэчы са СМІ і грамадзянамі даць тлумачэнне аб прычынах высечкі тых ці іншых насаджэнняў, тэрмінах правядзення лесааднаўленчых работ, па іншых праблемных пытаннях.
Папярэдні запіс па тэлефоне: (80222) 75-05-67 – прыёмная (Гурына Аксана Алегаўна).
VIII Міжнародны фестываль аматарскіх тэатраў «Тэатральныя вечарыны» пройдзе ў Краснаполлі з 11 па 13 чэрвеня. Свае пастаноўкі сёлета прывязуць калектывы з Беларусі і Расіі, паведамілі ў Магілёўскім абласным метадычным цэнтры народнай творчасці і культурна-асветніцкай працы.
Рэгіянальны фестываль «Сенафест-2021» пройдзе ў в. Чыгірынка Кіраўскага раёна (за гідраэлектрастанцыяй) 19 чэрвеня. Пра гэта паведамілі ў Магілёўскім абласным метадычным цэнтры народнай творчасці і культурна-асветнай працы.
На тэрыторыі свята размесцяцца выставы фігур з сена, традыцыйнага сенакоснага інвентару і сенакоснай культуры з сямейных калекцый, фотаэкспазіцыя «А сена пяшчотна пахне летам!». Тут можна будзе набыць тэматычную сувенірную прадукцыю, прадэгуставаць стравы традыцыйнай беларускай кухні, паўдзельнічаць у майстар-класах па вырабе лялек з сена і саломы.
У бягучым годзе з выкарыстаннем дзяржаўных сродкаў у Магілёўскай вобласці плануецца аздаравіць 44 тыс. дзяцей і падлеткаў, у тым ліку ў кругласутачных лагерах – 17,6 тыс. (з іх 2 354 – у спартыўна-аздараўленчых). Будзе арганізавана праца 743 лагераў– 178 кругласутачных (з іх – 16 стацыянарных) і 565 дзённых, паведамілі ў галоўным упраўленні па адукацыі аблвыканкама.
Прамую тэлефонную лінію 12 чэрвеня правядзе першы намеснік старшыні Магілёўскага аблвыканкама Анатоль Васільевіч Уласевіч. З 9.00 да 12.00 па нумары (8 0222) 50-18-69 ён адкажа на пытанні жыхароў Прыдняпроўскага краю.
Курыруюцца напрамкі: аграпрамысловы комплекс, вытворчасць і перапрацоўка сельскагаспадарчай прадукцыі, харчовыя рэсурсы, лясная гаспадарка, зямельныя адносіны, геадэзія, ахова навакольнага асяроддзя, гідраметэаралогія.
У Магілёве на пляцоўцы каля абласнога лячэбна-дыягнастычнага цэнтра 15–24 чэрвеня пройдзе Міжнародны фестываль «Радасць», які арганізуе Свята-Елісавецінскі манастыр па дабраславенні архіепіскапа Магілёўскага і Мсціслаўскага Сафронія пры падтрымцы Магілёўскага гарадскога выканаўчага камітэта.
У мэтах забеспячэння абароны правоў і законных інтарэсаў грамадзян ва ўсіх пунктах цэнтралізаванага тэсціравання Магілёўскай вобласці супрацоўнікамі Камітэта дзяржкантролю сумесна з іншымі членамі камісій арганізаваны кантроль за выкананнем парадку правядзення тэсціравання, а таксама стварэннем належных санітарна-бытавых умоў для абітурыентаў.
Мы працуем над комплексным развіццём паўднёва-ўсходніх рэгіёнаў Магілёўскай вобласці. Пра гэта сказаў старшыня Магілёўскага аблвыканкама Леанід Заяц у інтэрв’ю праграме «Неделя» на тэлеканале СТВ.
На палях і лугах Магілёўшчыны ў самым разгарыработы па нарыхтоўцы кармоў. Радуюць травы, спрыяе, у цэлым, надвор’е. Зрэдку палохаюць прагнозы і хмурнае неба, але і яны не могуць сапсаваць настрой паляводаў і парушыць рытм іх суладнай працы. Пакуль травастой усіх культур нармальны. Асабліва розных аднагадовых сумесей, у тым ліку бабовых.
Тэмпы нарыхтоўкі зялёных кармоў у бягучым годзе вышэйшыя за леташнія. Варта адзначыць, што надвор’е спрыяе гэтым работам.
XXVII Міжнародны форум па інфармацыйна-камунікацыйных тэхналогіях «ТІБО-2021» прайшоў 1–4 чэрвеня ў Мінску. У межах мерапрыемства назвалі пераможцаў і прызёраў «Інтэрнэт-прэміі». Сайт Магілёўскага аблвыканкама (распрацоўшчык – Магілёўскі рэгіянальны інфармацыйны цэнтр) заняў другое месца сярод інтэрнэт-рэсурсаў гарадскіх, абласных і раённых выканаўчых камітэтаў.
За 4 месяцы 2021 года суб’екты малога і сярэдняга бізнесу Магілёўскай вобласці заплацілі ў бюджэт Br176,7 млн., або 35,7% ад агульных паступленняў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.
У параўнанні з аналагічным перыядам мінулага года паступленні ў бюджэт павялічыліся на 5,8%, ці Br9,7 млн. у фактычным вылічэнні, у тым ліку ад арганізацый на 4%, ці Br5,7 млн., ад індывідуальных прадпрымальнікаў на 17,4%, ці Br4 млн.
Напярэдадні Міжнароднага дня абароны дзяцей Магілёўская абласная арганізацыя Беларускага рэспубліканскага саюза моладзі правяла штогадовую дабрачынную акцыю «Дзень абароны дзяцей з БРСМ».
Ва Уфе (Рэспубліка Башкартастан, Расія) прайшла 29-ая спецыялізаваная выстава «Газ. Нафта. Тэхналогія». Маштабнае мерапрыемства штогод праходзіць у межах расійскага нафтагазахімічнага форума.
У межах экспазіцыі Made in Belarus свае навінкі, арыгінальную прадукцыю прапанавалі і беларускія вытворцы, у тым ліку ААТ «Магілёўхімвалакно» і «Белшына».
Дарожную карту па развіцці супрацоўніцтва падпісалі Магілёўская вобласць і кітайская правінцыя Хэнань. Зацвярджэнне дакумента, подпісы пад якім паставілі намеснік старшыні Магілёўскага аблвыканкама Руслан Страхар і віцэ-губернатар правінцыі Хэнань Хэ Цзіньпін, адбылося сёння ў час анлайн-сустрэчы па міжрэгіянальным гандлёва-эканамічным супрацоўніцтве.
У Магілёўскай вобласці ўсе раёны пачалі касавіцу. Прыбраць кармы неабходна і якасна, і ў патрэбны час. На будучы ўраджай вялікія планы: травастой у гэтым годзе не горшы за леташні, таму справа толькі за аператыўнай уборкай.
У ААТ «Палыкавічы» Магілёўскага раёна плануюць нарыхтаваць з першага ўкосу 8 тысяч тон сенажу і 0,9 тысячы тон сена. Па словах дырэктара Аляксея Шуплякова, ралля займае тысячу гектараў, дзе ў асноўным бабовыя і бабова-зёлкавыя культуры, і 480 – лугавыя ўгоддзі для сенажаці.
На фінальны канцэрт рэспубліканскага свята «Купалле» («Александрыя збірае сяброў») плануюць рэалізаваць каля 2,5 тыс. білетаў. Аб гэтым у час пасяджэння пастаянна дзеючага арганізацыйнага камітэта па падрыхтоўцы і правядзенні свята «Купалле» («Александрыя збірае сяброў») заявіў намеснік старшыні Магілёўскага аблвыканкама Валерый Малашка.
Абсталяванне – біяхімічны аўтаматычны экспрэс-аналізатар з прыладамі–падарыла бальніцы Рэспубліканскае грамадскае аб’яднанне «Беларускі дзіцячы фонд». Апарат прызначаны для больш хуткага даследаванні аналізу крыві.
Каля дзесяці прамысловых прадпрыемстваў Магілёўшчыны аказваюць экскурсійныя паслугі. Пра гэта паведамілі ў Магілёўскім агенцтве рэгіянальнага развіцця, якое распрацавала некалькі маршрутаў, у межах якіх запланавана разам з гістарычнымі і культурнымі славутасцямі наведванне прамысловых прадпрыемстваў. Экскурсійная праграма маршрутаў прадугледжвае ў лікуіншага знаёмства з тэхналагічным працэсам, а таксама правядзенне дэгустацыі выпускаемай прадукцыі.
Прадстаўнікі Магілёўскай вобласці заваявалі 9 залатых узнагарод на Кубку Беларусі па лёгкай атлетыцы
У Брэсце правялі адкрыты Кубак Беларусі па лёгкай атлетыцы. За ўзнагароды змагаліся наймацнейшыя спартсмены з усіх рэгіёнаў краіны, а таксама з Бахрэйна і Ізраіля.
Трэба дадаць навізны ў праграму рэспубліканскага свята «Купалле» ў Александрыі, захоўваючы пры гэтым яго нацыянальны каларыт. Аб гэтым заявіў намеснік прэм'ер-міністра Ігар Петрышэнка ў час пасяджэння пастаянна дзеючага арганізацыйнага камітэта па падрыхтоўцы і правядзенні свята «Купалле» («Александрыя збірае сяброў»).
У гэтыя дні напал работ працаўнікоў вёскі прыпадае на нарыхтоўку травяністых кармоў, чаму спрыяе сонечнае надвор’е. Гэта з’яўляецца галоўнай задачай дня.
Як паведамілі ў аддзеле раслінаводства аблсельгасхарча, на 1 чэрвеня было скошана звыш 23 тыс. га шматгадовых траў. Убраныя яны амаль з паловы скошаных плошчаў.