Бізнес

Нараўне з буйнымі прадпрыемствамі ў Магілёўскай вобласці развіваецца малы і сярэдні бізнес. Гэты перспектыўны сектар фарміруе 35,4% выручкі ад рэалізацыі прадукцыі, 40% інвестыцый у асноўны капітал, 36,5% знешнегандлёвага абароту вобласці. А галоўнае–доля падатковых паступленняў у бюджэт вобласці ад суб’ектаў прадпрымальніцтва штогод расце. Малы і сярэдні бізнес Магілёўскай вобласці налічвае каля 8,7 тысячы юрыдычных асоб і 24,7 тысячы індывідуальных прадпрымальнікаў. У малым і сярэднім бізнэсе працуе 122,7 тысячы чалавек, або 28,2% ад агульнай колькасці занятых у эканоміцы рэгіёна. У рэгіёне сфарміравана і развіваецца інфраструктура падтрымкі прадпрымальніцтва: працуе 13 цэнтраў падтрымкі прадпрымальніцтва і 5 інкубатараў малога прадпрымальніцтва, рэалізуюцца мерапрыемствы Дзяржаўнай праграмы «Малое і сярэдняе прадпрымальніцтва ў Рэспубліцы Беларусь». У 2016–2019 гадах на гэтыя мэты накіравана больш за 2,7 мільёна рублёў.

За студзень–май 2020 года індывідуальныя прадпрымальнікі заплацілі ў бюджэт рэгіёна Br23,9 млн. Тэмп росту ў фактычных цэнах склаў 100,8%, паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Асноўная доля паступленняў (51,9%) сфарміравана за кошт падатку пры спрошчанай сістэме падаткаабкладання – Br12,4 млн. Паступленні па падаходным падатку з даходаў ад прадпрымальніцкай дзейнасці склалі Br3,7 млн. (15,5%), па адзіным падатку з індывідуальных прадпрымальнікаў і іншых фізічных асоб – Br3,7 млн. (15,5%), падатку на дабаўленую вартасць – Br2,9 млн. (12,1%), у тым ліку спаганяемым пры ўвозе тавараў на тэрыторыю Рэспублікі Беларусь – Br2 млн.

На 1 чэрвеня 2020 года на ўліку ў падатковых органах Магілёўскай вобласці знаходзілася 25 282 індывідуальных прадпрымальнікі. Колькасць ІП у параўнанні з аналагічным перыядам мінулага года павялічылася на 1 176 чалавек.