Содержимое

Абласны злёт юных ратавальнікаў-пажарных прайшоў 26 мая на базе ПАВА-6 Магілёўскага ГАНС. Удзел у мерапрыемстве прынялі 10 каманд – пераможцы аналагічных занальных спаборніцтваў з Магілёва, Бабруйска, Горак, Быхава, Мсціслава, Крычава, Дрыбіна, Магілёўскага і Хоцімскага раёнаў. Юныя ратавальнікі прадэманстравалі спрыт, сілу, уменні, веды і крэатыў у 6 конкурсах. Пераможцамі абласнога злёту сталі хлопцы з каманды «Лайф» Магілёўскага раёна. Серабро зайграла ў руках дружыны «Міратворцы» (г. Быхаў), а з бронзай са злёту з’ехала каманда «NEXT» (г. Горкі).

Абласная ваенна-патрыятычная гульня «Зарніца» сабрала ў горадзе на Дняпры каля 240 школьнікаў з усяго рэгіёна. Мерапрыемства прайшло 26 мая на тэрыторыі Абласнога цэнтра творчасці. Сюды прыбылі 24 каманды – пераможцы раённых этапаў гульні. У складзе кожнай з іх – па 10 чалавек ва ўзросце 13–14 гадоў. На працягу дня юныя армейцы (менавіта так называюць школьнікаў у момант гульні) праявілі сябе ў ваеннай паласе перашкод, аглядзе-конкурсе строю і песні, турніры «Старонкі гісторыі Айчыны», спаборніцтве «Да абароны Айчыны гатовы!».