Міжнародны аўтапрабег, у маршрут якога ўваходзяць гарады Беларусі і Расіі, прыбыў у Магілёўскі раён 23 чэрвеня. На мемарыяльным комплексе «Буйніцкае поле» адбыўся мітынг, ускладанне кветак і сустрэча з моладдзю. Аўтапрабег праходзіць у межах святкавання 76-й гадавіны Перамогі ў Вялікай Айчыннай вайне, а таксама 95-годдзя стварэння ДТСААФ Рэспублікі Беларусь. Удзельнікі мерапрыемства праедуць каля 4 тысяч кіламетраў па некалькіх абласцях дзвюх брацкіх краін. Па тэрыторыі Беларусі працягласць маршруту – больш за 1300 кіламетраў.