Ініцыятарам аўтапрабегу «Фермеры Магілёўскай вобласці за Аляксандра Рыгоравіча Лукашэнку!» выступіў ГА «Саюз фермераў Магілёўскай вобласці». Удзельнікі аўтапрабегу, упрыгожыўшы свае аўтамабілі дзяржаўнай сімволікай, яскрава праехалі па вуліцах горада і раёна, наведаўшы гістарычныя мясціны. Фермеры адзначылі, што акцыю вырашылі правесці ў падтрымку дзейнага кіраўніка дзяржавы, бо дзякуючы яго клопату аб краіне і людзях у нас ёсць мірнае неба над галавой і мы жывем у квітнеючай краіне, і ў іх ёсць магчымасць развівацца і працаваць на сваёй зямлі.
