эканоміка і бізнес

Больш чым утрая ў параўнанні з аналагічным леташнім перыядам павялічыла адгрузку тэхнікі на ўнутраны рынак ААТ «УКБ «Бабруйскаграмаш». Аб'ём адгружаных машын, паведамілі на прадпрыемстве, у грашовым выражэнні склаў амаль 21 мільён рублёў. Асаблівым попытам у беларускіх аграрыяў карыстаюцца размеркавальнікі мінеральных угнаенняў, машыны для ўнясення цвёрдых і вадкіх арганічных угнаенняў.

Сезон цяплічных агароднінных ураджаяў стартаваў у камбінаце ААТ «Рассвет» імя Арлоўскага. Нягледзячы на летнюю тэмпературу паветра ў цяпліцах, у гэтым сезоне, з запозненай вясной, усім раслінам не хапае сонца. Аднак вытворчыя планы будуць выкананы, упэўнены работнікі цяплічнага камбіната.

Прэзідэнт Беларусі Аляксандр Лукашэнка 17 красавіка падпісаў указ нумар 107 «Аб павышэнні пенсій». Аб гэтым  паведамілі ў прэс-службе кіраўніка дзяржавы.

Дакумент прадугледжвае пераразлік працоўных пенсій з 1 мая, у выніку якога яны павялічацца ў сярэднім на 5 працэнтаў. На выплату пенсій у маі будзе накіравана Br1,5 млрд, з якіх Br78 млн - дадатковыя расходы ў сувязі з павышэннем згодна з указам. Атрымальнікамі працоўных пенсій з'яўляюцца 2,3 млн чалавек.

За найгрубейшыя парушэнні заканадаўства Камітэтам дзяржкантролю Магілёўскай вобласці прыпынена праца гандлёвага аб'екта індывідуальнага прадпрымальніка ў Магілёве. Пра гэта паведаміў намеснік старшыні Камітэта Алег Стрыгун.

Са скаргай на прадпрымальніка ў чат-бот Тэлеграм-канала Камітэта рэспублікі звярнуўся пакупнік.

У Бабруйску пачнуць працаваць велікодныя кірмашы. Пра гэта паведамілі ў Бабруйскім гарвыканкаме.

Тэматычны гандаль размесціцца па вуліцы Сацыялістычнай: на пешаходнай зоне ад вуліцы Карла Маркса да вуліцы Дзяржынскага.

Жыхары і госці Бабруйска змогуць набыць тут харчовыя і нехарчовыя тавары ў шырокім асартыменце, а таксама вырабы грамадскага харчавання. Акрамя таго, у продажы будуць прадстаўлены велікодныя падарункавыя наборы і тэматычныя сувенірныя вырабы.

ААТ «Магатэкс» экспартуе прадукцыю ў больш як 10 краін свету. Пра гэта часопісу «Эканоміка Беларусі» распавялі на прадпрыемстве.

Магілёўскае ААТ «Зеніт» выпускае больш як 70 мадыфікацый энергазберагальнай святлодыёднай прадукцыі. Пра гэта часопісу «Эканоміка Беларусі» распавялі на прадпрыемстве.

Турцыя зацікаўлена ў прадукцыі «Бабруйскаграмаша», паведамілі на прадпрыемстве.

«Бабруйскаграмаш» наведала дэлегацыя з Турцыі. Першачарговай задачай было выбудоўванне кааперацыйных сувязей па вырабе прадукцыі з ліцця.

Са з'яўленнем у свеце каранавіруса як ніколі востра стала пытанне забеспячэння здароўя людзей. Сацыяльныя дыстанцыі ў месцах масавага знаходжання, выкарыстанне масак і рэгулярная дэзінфекцыя рук, але нават гэтыя меры засцярогі не забяспечваюць неабходную абарону людзей ад розных інфекцый. Такая сітуацыя ў свеце стала штуршком для навацый - ААТ «Зеніт» распрацавала і ўкараніла ў вытворчасць сістэму дэзінфекцыі кабіны ліфта.

Камітэтам дзяржкантролю Магілёўскай вобласці за найгрубейшыя парушэнні заканадаўства прыпынена работа гандлёвага аб'екта сеткі «Марцін» у Магілёве. Пра гэта паведаміў намеснік старшыні Камітэта Алег Стрыгун.

Аляксандр Бадзяка нарадзіўся ў вёсцы і з ёй жа планаваў звязаць жыццё. Але бацька, які заўважыў яго здольнасці да дакладных навук, настаяў: прадаўжаць вучыцца трэба ў Магілёве. Цяпер Аляксандр Бадзяка - уладальнік паспяховага завода, дзе ў аснову ўсяго пакладзена навука. Спачатку, прызнаецца ён, даводзілася працаваць па 12-14 гадзін. Але яно таго варта: распрацаваныя Аляксандрам Бадзякам і яго аднадумцамі найноўшыя тэхналогіі ў ліцейнай вытворчасці да гэтага часу застаюцца ўнікальнымі.

Камітэт дзяржкантролю Магілёўскай вобласці сумесна з праваахоўнымі органамі правёў праверку аднаго з Бабруйскіх прыватных аптавікоў, які спецыялізуецца на гандлі садавінагароднінай і іншай прадукцыяй. Прадпрымальнік ажыццяўляў рэалізацыю значнай часткі сваёй прадукцыі бюджэтным арганізацыям.

У гэтым годзе Магілёўскі мясакамбінат плануе запусціць вытворчасць мясных кансерваў. Пра гэта паведаміў генеральны дырэктар холдынгу Аляксандр Мілюцін.

За студзень-люты бягучага года ў бюджэт рэгіёну паступіла Br311,2 млн. Аб гэтым паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Даходы бюджэту ў параўнанні з аналагічным перыядам мінулага года павялічыліся на Br51,8 млн. або на 20 працэнтаў у фактычным вылічэнні.

Сход Магілёўскай асацыяцыі прамыслоўцаў і прадпрымальнікаў адбыўся ў Магілёве. Пачатак мерапрыемству паклала знаёмства з працай ААТ «Стужка». Прадстаўнікі выканаўчай улады вобласці, банкаўскай сферы, грамадскіх арганізацый, кіраўнікі прадпрыемстваў і арганізацый рэгіёну з ліку членаў асацыяцыі прайшліся па цэхах прадпрыемства, азнаёміліся з арганізацыяй вытворчасці і асартыментам прадукцыі.

Анлайн-семінар «Экспарт у ЕС ва ўмовах санкцый на прыкладзе Італіі» адбыўся ў камітэце эканомікі Магілёўскага аблвыканкама пры ўдзеле Часовага Паверанага ў справах Беларусі ў Італіі Кірыла Пятроўскага. Удзел у ім прынялі арганізацыі і прадпрыемствы, прадстаўнікі райвыканкамаў Магілёўскай вобласці.

Магіляўчан запрашаюць на бясплатнае навучанне ў «Школу экспарцёра». Пра гэта паведамілі ў Магілёўскім агенцтве рэгіянальнага развіцця.

У абласным цэнтры стартуе чацвёрты паток адукацыйнага праекта «Школа экспарцёра». У час праекта жадаючыя змогуць прайсці бясплатнае навучанне асновам экспартнай дзейнасці. Новыя веды будуць карысныя прадпрымальнікам, прадстаўнікам арганізацый і прадпрыемстваў.

Візіт дэлегацыі Магілёўскай вобласці ў Астраханскую вобласць Расійскай Федэрацыі праходзіць з 20 па 22 сакавіка. Дэлегацыю магілёўскага рэгіёна ўзначаліў намеснік старшыні аблвыканкама Руслан Страхар. У склад дэлегацыі ўвайшлі старшыня Магілёўскага гарвыканкама Аляксандр Студнеў, прадстаўнікі бізнес-колаў, якія прадстаўляюць ліфтавую, малочную і цэментную прадукцыю, мэблю і вырабы з драўніны, гандлёвыя сеткі, а таксама - свабоднай эканамічнай зоны Магілёў, турыстычнай сферы.

У Магілёўскай вобласці сфарміраваны партфель з 50 праектаў агульным аб'ёмам інвестыцый Br1,5 млрд. Аб гэтым расказаў намеснік старшыні Магілёўскага аблвыканкама Руслан Страхар.