Br311,2 млн паступіла ў кансалідаваны бюджэт Магілёўскай вобласці за два месяцы

За студзень-люты бягучага года ў бюджэт рэгіёну паступіла Br311,2 млн. Аб гэтым паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Даходы бюджэту ў параўнанні з аналагічным перыядам мінулага года павялічыліся на Br51,8 млн. або на 20 працэнтаў у фактычным вылічэнні.

Найбольшыя сумы ў даходах бюджэту склалі паступленні падаходнага падатку - Br124,7 млн. або 40,1 працэнта, падатку на дабаўленую вартасць - Br90,6 млн. (29,1 працэнта), падатку пры спрошчанай сістэме падаткаабкладання - Br16,6 млн. (5,3 працэнта), акцызаў - Br12,7 млн. (4,1 працэнта), зямельнага падатку - Br9 млн. (2,9 працэнта).

У дзесятку лідэраў у фарміраванні бюджэту Магілёўскай вобласці ўвайшлі: РУП «Магілёўэнерга», ААТ «Клімавіцкі ЛВЗ», СЗАТ «Магілёўскі вагонабудаўнічы завод», ЗАТ «Бабруйскі бровар», ААТ «Белшына», РУП «Магілёўаблгаз», філіял ТАА «Еўрагандаль» у г.Магілёве, Магілёўскі філіял РУП «Белтэлекам», Філіял «Крычаў» ЗАТ «Дабраном», ЗАТ «Асіповіцкі завод транспартнага машынабудавання». Удзельная вага іх плацяжоў склала 20,6 працэнта агульных паступленняў у бюджэт вобласці.

Рэд.