Адкрытае першынство Магілёўскай вобласці па летнім біятлоне пройдзе ў Чавусах 1 ліпеня

Адкрытае першынство Магілёўскай вобласці па летнім біятлоне памяці байцоў спецатрада НКДБ СССР «Слаўны» пройдзе на біятлонным комплексе ў Чавусах 1 ліпеня. Пра гэта паведамілі ў Чавускім райвыканкаме.

Спартыўнае спаборніцтва пройдзе на прызы алімпійскай чэмпіёнкі Дзінары Смольскай. Яго ўдзельнікамі стануць юнакі і дзяўчаты 2008-2013 гадоў нараджэння.

Адкрыццё спаборніцтваў адбудзецца ў 9.30, а пачатак - у 10.15. У 13.30 пройдзе дуэльная стральба сярод юнакоў, а таксама дзяўчат старэйшай групы з удзелам Дынары Смольскай. Узнагароджанне пераможцаў запланавана на 15.00. Таксама запланавана аўтограф-сесія з Дынарай і Антонам Смольскімі.

Для ўдзельнікаў і гасцей першынства будзе працаваць выязны гандаль, усе ахвочыя змогуць пачаставацца салдацкай кашай.

БЕЛТА