Адкрытае першынство па джып-спрынце «Дарогамі Перамогі» пройдзе 27 красавіка ў Бабруйскім раёне

Адкрытае першынство па джып-спрынце «Дарогамі Перамогі», прысвечанае 80-годдзю Перамогі ў Вялікай Айчыннай вайне, пройдзе 27 красавіка ў Бабруйскім раёне. Пра гэта паведамілі ў Бабруйскім райвыканкаме.

У гонках прымуць удзел больш за 100 чалавек з усіх буйных гарадоў Беларусі.

Трасы добраўпарадкаваны паблізу пасёлка Юбілейны, на месцы былых стрэльбішчаў, дзе ёсць вялікая колькасць прыродных азёр і балот, пясчаных узгоркаў і яраў, якія будуць пераадольваць удзельнікі джып-спрынту.

Як распавялі суразмоўцы, гледачы ўбачаць усё, што ўласціва джып-спрынту: нястрымную цягу да перамогі сярод гоншчыкаў, сутыкненні, увагнутасці на кузавах, патанулыя ў гразі машыны, якая працуе на мяжы сваіх магчымасцяў тэхніку і, галоўнае, узаемавыручку.

Арганізатары падрыхтавалі сюрпрыз для гледачоў: кожны ахвочы зможа ў суправаджэнні інструктара бясплатна пракаціцца на квадрацыкле.

На працягу дня будзе працаваць выязны гандаль і інтэрактыўныя зоны, падрыхтавана канцэртная праграма.

Уваход для ўсіх жадаючых вольны, а для гасцей на асабістым аўтатранспарце будуць арганізаваны парковачныя месцы.

Пачатак першага заезду - у 10.00 г.

Рэд.