Адкрыты чэмпіянат Беларусі па лёгкай атлетыцы прайшоў у Магілёве

У спарткомплексе «Алімпіец» у Магілёве завяршыўся Адкрыты чэмпіянат Рэспублікі Беларусь па лёгкай атлетыцы ў памяшканні 2025 года.

Удзел у галоўным унутраным старце зімовага сезона прынялі наймацнейшыя беларускія лёгкаатлеты, а таксама два дзесяткі спартсменаў з Расіі. У другі і заключны дзень спаборніцтваў былі разыграны 11 асабістых і два эстафетныя камплекты ўзнагарод, пераможцамі чэмпіянату Беларусі ў памяшканні сталі наступныя лёгкаатлеты:

200 метраў: Андрэй Лукін (РФ) і Яніна Луцэнка;

800 метраў: Вячаслаў Скудны і Таццяна Шабанава;

3000 метраў: Павел Небыт і Іна Новік;

Трайны скачок: Максім Несцярэнка і Дар'я Нідбайкіна (РФ);

Скачкі з тычкай: Ірына Жук;

Скачкі ў вышыню: Ілля Іванюк (РФ);

Штурханне ядра: Максім Афонін (РФ).

У мужчынскай эстафеце 4х400 метраў перамогу атрымала каманда Гомельскай вобласці, у гэтым жа відзе сярод жанчын лепшы вынік паказалі дзяўчаты з Расіі.

БЕЛТА