«Барысфен» выйграў у баскетбалістаў «МІНСКА» ў чэмпіянаце Беларусі

Баскетбалісты магілёўскага «Барысфена» атрымалі трэцюю перамогу запар у гульнях чэмпіянату Беларусі.

Сёння падапечныя Андрэя Крываноса адолелі на выездзе дзейнага чэмпіёна краіны «МІНСК» з вынікам 82:78 і ўзначалілі турнірную табліцу.

У іншым сённяшнім паядынку баскетбалісты «Рубона» з розніцай у 20 ачкоў перайгралі ў Віцебску сталічны «Імпульс-БДУІР» - 85:65.

Цяпер становішча ў лідзіруючай групе такое: «Барысфен» - 41 ачко (24 матчы), «Гродна-93» - 39 (23), «МІНСК» - 37 (23), «Рубон» (Віцебск) - 34 (23). У наступным туры 14 лютага адбудзецца сталічнае дэрбі «МІНСК» - «Імпульс-БДУІР», а 15 лютага гродзенская дружына прыме на сваёй пляцоўцы віцябчан.

Пасля 21-га тура жаночага першынства наперадзе «Гарызонт», які набраў 40 ачкоў, на тры балы менш, чым у чэмпіёнак краіны баскетбалістак «МІНСКА», у актыве гродзенскай «Алімпіі» 35 ачкоў. Наступныя сустрэчы адбудуцца 18 лютага.

БЕЛТА