«Барысфен» выйшаў у лідэры чэмпіянату Беларусі па баскетболе

Баскетбалісты «Барысфена» атрымалі трэцюю перамогу запар у стартавых гульнях чэмпіянату Беларусі.

У суботу, 7 кастрычніка, у гасцявым матчы з «Гомельскімі рысямі» магіляўчане не адчулі сур'ёзных праблем, выйграўшы з лікам 109:57. Пасля двух паражэнняў запар першую перамогу здабыў віцебскі «Рубон», які перайграў у Мінску сталічны «Імпульс-БДУІР» з лікам 71:66. Пасля сённяшніх матчаў у «Барысфена» стала 6 ачкоў з 6 магчымых, па 4 балы маюць «Гродна-93», рэзервісты БК «МІНСК» і «Рубон».

У цэнтральным паядынку жаночага першынства баскетбалісткі «МІНСКА» ўпэўнена перамаглі дзеючых чэмпіёнак краіны спартсменак «Гарызонта» - 82:60. Яшчэ адзін фаварыт турніру гродзенская «Алімпія» разграміла на сваёй пляцоўцы другі склад «Гомельскіх рысяў» з лікам 117:36. Асноўная гомельская каманда аказалася мацнейшай за рэзервовую дружыну «Гарызонта» - 85:74. Пасля трох тураў па 6 ачкоў маюць «МІНСК», «Алімпія» і «Гомельскія рысі», у «Гарызонта» 5 заліковых балаў.

БЕЛТА