Беларус Яўген Залатой атрымаў перамогу на Вялікай Маскоўскай рэгаце

Беларускія спартсмены заваявалі 14 узнагарод у другі дзень міжнародных спаборніцтваў «64-я Вялікая Маскоўская рэгата — Кубак наймацнейшых спартсменаў».

У пятніцу, 6 чэрвеня, нашы прадстаўнікі акадэмічнага веславання ўзняліся на подыум па выніках 11 відаў праграмы, заваяваўшы 14 медалёў (4-7-3). Перамогу ў мужчынскай адзіночцы атрымаў новаспечаны чэмпіён Еўропы Яўген Залатой, у жанчын Таццяна Клімовіч і Алена Фурман занялі другое і трэцяе месцы адпаведна. У гэтай жа дысцыпліне ў юніёраў да 23 гадоў лепшым быў Раман Шабацька, у заездзе юніёрак Таццяна Пратасевіч узяла срэбра. Сярод юнакоў і дзяўчат да 19 гадоў сярэбранымі прызёрамі сталі Данііл Талыка і Вікторыя Галасок.

У фінале мужчынскіх двоек двухлопасцевых другі вынік паказалі беларусы Дзмітрый Фурман і Сяргей Валадзько, тройку замкнулі Аляксей Бандзюк і Уладзіслаў Лакун. У гэтым жа класе ў юніёраў Раман Мамаеў і Мікіта Альферовіч выйгралі бронзу, а ў юніёрак Кіры Каваленцы і Дыяне Плісавай дасталася серабро. Сярод юнакоў на першай пазіцыі фінішаваў дуэт Дзмітрыя Янкіна і Анатоля Міхалка, услед за імі размясціліся Захар Сямёнаў і Вадзім Карпечанка. У дзяўчат золата заваявала двойка Уладзіславы Каржовай і Уладзіславы Кузьмянковай.

Міжнародныя спаборніцтвы «64-я Вялікая Маскоўская рэгата - Кубак наймацнейшых спартсменаў» на вяслярным канале «Масква» працягнуцца па 8 чэрвеня. Удзел у турніры бяруць каля 1300 атлетаў з 12 краін: Расіі, Беларусі, Ірана, Кубы, Узбекістана, Казахстана, Арменіі, Сербіі, ААЭ, Пакістана, Індыі і Азербайджана.

СБ