Чэмпіёны Беларусі па стральбе з лука ў памяшканні вызначыліся ў сталіцы

У спартыўна-стралковым комплексе імя Цімашэнкі завяршыўся чэмпіянат Беларусі па стральбе з лука ў памяшканні, паведамілі ў РЦАП па стралковых відах спорту.

У асабістых спаборніцтвах сярод мужчын перамогу атрымаў Раман Нікіценак, тройку прызёраў дапоўнілі Антон Цярэта і Святаслаў Царанкоў. У жаночым заліку першынствавала Аляксандра Стралец, другое і трэцяе месцы занялі Анастасія Нікіфарэнка і Аліна Сімончык. У стральбе з блочнага лука чэмпіёнам краіны стаў Максім Бань, кампанію якому на подыуме склалі Юрый Бандарэнак і Павел Зянькевіч.

Абодва камандныя турніры выйгралі прадстаўнікі Магілёўскай вобласці. Сярод жанчын роўных не было трыа ў складзе Ганны Марусавай, Карыны Дзямінскай і Лізаветы Нікіценак, па выніках мужчынскіх спаборніцтваў золата ўзялі Кірыл Фірсаў, Раман Нікіценак і Антон Кароўкін. Агульны медальны залік таксама ўзначаліла каманда Магілёўскай вобласці.

БЕЛТА