Цырымонію інаўгурацыі Прэзідэнта Беларусі пакажуць у прамым эфіры

Цырымонію інаўгурацыі Прэзідэнта Беларусі Аляксандра Лукашэнкі пакажуць у прамым эфіры. Аб гэтым расказалі ў тэлепраграме «Галоўны эфір» на каналее «Беларусь 1».

«Чырвоная дывановая дарожка, цырыманіял, госці… І ўсё гэта будзе ў прамой трансляцыі. Значыць, павінна быць не проста падрыхтавана. Гэта павінна быць ідэальна», - адзначылі ў сюжэце пра тое, як у Палацы Незалежнасці рыхтуюцца да інаўгурацыі Прэзідэнта.

«Цырымонія - падзея класічная, традыцыя. Прэзідэнт прыносіць прысягу на Канстытуцыі, звяртаецца да беларускага народа. Але ў гэтай, здавалася б, мернай традыцыйнасці вельмі шмат эмацыянальнага зараду: Беларусь выбрала лідара, лідар бярэ на сябе адказнасць. Гэта сур'ёзны крок для ўсіх. 25 сакавіка мы гэта і ўбачым, і адчуем», - адзначылі ў эфіры навін.

Як паведамлялася раней са спасылкай на ЦВК, цырымонія ўступлення на пасаду нядаўна выбранага Прэзідэнта Рэспублікі Беларусь Аляксандра Лукашэнкі адбудзецца 25 сакавіка.

Згодна з Канстытуцыяй Рэспублікі Беларусь, Прысяга Прэзідэнта прыносіцца ва ўрачыстай абстаноўцы ў прысутнасці членаў Прэзідыума Усебеларускага народнага сходу, дэпутатаў Палаты прадстаўнікоў і членаў Савета Рэспублікі, суддзяў Канстытуцыйнага і Вярхоўнага судоў не пазней за два месяцы з дня выбрання Прэзідэнта.

Цырымонія інаўгурацыі Прэзідэнта Беларусі адбудзецца 25 сакавіка

БЕЛТА