Дзінара Смольская выйграла суперспрынт на чэмпіянаце Расіі па біятлоне

Беларуская біятланістка Дынара Смольская атрымала перамогу на першым этапе чэмпіянату Расіі, які праходзіць у Цюмені.

Услед за мужчынамі на старт фіналу ў суперспрынце выйшлі дзяўчаты. Дыстанцыю ў 7,5 км з чатырма агнявымі рубяжамі хутчэй за ўсіх пераадолела наша Дынара Смольская, якая дапусціла ўсяго адзін недакладны стрэл. На фінішы беларуская біятланістка на чатыры секунды апярэдзіла Тамару Дзербушаву са Свярдлоўскай вобласці, тройку замкнула Лізавета Капліна з каманды Башкартастана (10 секунд адставання).

Што да вынікаў іншых беларусак, то Ірына Шаклеіна заняла 7-ю пазіцыю, Ганна Сола стала 10-й, Ксенія Варабей - 13-я, Дар'я Кудаева, Аліна Зайцава і Адэліна Сабітава размясціліся на месцах з 25-га па 27-е. Ганна Пясцерава не прайшла кваліфікацыю. Раней сёння сярэбраным прызёрам у мужчынскім суперспрынце стаў наш Ілля Аўсеенка. Праграму этапа чэмпіянату Расіі ў Цюмені 15 сакавіка завершаць адзіночная і класічная змешаныя эстафеты.

БЕЛТА