Гутарка з ідэалагічным актывам рэгіёна праходзіць у Магілёўскім аблвыканкаме

У Магілёўскім аблвыканкаме працягваецца цыкл гутарак па арганізацыі ідэалагічнай работы з намеснікамі кіраўнікоў, якія выбудоўваюць працэсы ідэалагічнай работы ў арганізацыях з колькасцю работнікаў ад 600 чалавек і вышэй, а таксама ва ўстановах адукацыі, дзе вучацца больш за 1 тыс. чалавек.

Удзел у правядзенні гутарак 20 кастрычніка прынялі памочнік Прэзідэнта - інспектар па Магілёўскай вобласці Сяргей Налівайка і намеснік старшыні Магілёўскага аблвыканкама Алег Сцельмашок.

Як адзначыў Сяргей Налівайка, работа ў гэтым напрамку ў кожным асобна ўзятым калектыве павінна быць сур'ёзнай і акцэнтаванай, мець адрасную накіраванасць.

Мерапрыемствы праводзяцца ў адпаведнасці з патрабаваннямі Дырэктывы №12 «Аб рэалізацыі асноў ідэалогіі беларускай дзяржавы» і прадоўжацца па 30 кастрычніка. Асноўная іх мэта - знаёмства з ідэалагічным актывам, абмеркаванне надзённых пытанняў, якія ёсць у працоўных калектывах, і выпрацоўка комплекснага, адзінага падыходу ў арганізацыі ідэалагічнай работы ў рэгіёне.

Юлія Таранава, фота аўтара