Хакеісты бабруйскага «Дынама-Шынніка» саступілі «Дынама» з Санкт-Пецярбурга ў чэмпіянаце МХЛ

У адзіным сённяшнім матчы ў рэгулярным чэмпіянаце Маладзёжнай хакейнай лігі бабруйскі «Дынама-Шыннік», на жаль, саступіў у гасцях «Дынама» з Санкт-Пецярбурга. Паядынак скончыўся з лікам 2:4.

«Вельмі шмат выдаленняў. Шмат сіл марнавалі ў гульні ў няроўных складах. Відаць, у нейкіх сітуацыях мы не паспявалі. Паглядзім відэа, перагледзім усе моманты, але мне падаецца, што мы проста не паспявалі, парушалі правілы і прапусцілі такія галы. Сапернік быў хутчэй. Былі і ў нас моманты, але падвяла рэалізацыя». З такім рэзюмэ ад галоўнага трэнера нашай каманды Андрэя Міхалёва цяжка не пагадзіцца. Хакеісты «Дынама-Шынніка» сапраўды саступілі расійскай дружыне ў хуткасці, не праявілі неабходнай дысцыплінаванасці і апынуліся горш у завяршальнай фазе атак. Так што выніковы вынік, нажаль, заканамерны.

У пераможцаў вызначыліся Макар Голікаў (7-я хвіліна), Кірыл Баброўскіх (25), Рэнат Хузін (41) і Даніла Шарапаў (45). У прайграўшых галамі адзначыліся Дзмітрый Тукач (33) і Мікіта Хадаровіч (55).

Нягледзячы на паражэнне, «Дынама-Шыннік» з 75 баламі ўзначальвае турнірную табліцу «Срэбнага» дывізіёна Заходняй канферэнцыі. Наступны матч бабруйская каманда, якая ўжо гарантавала сабе месца ў плэй-ін, правядзе 26 лютага ў гасцях супраць яшчэ адной дружыны з Санкт-Пецярбурга – «СКА-1946».».

СБ