Хакеісты «Дынама-Шынніка» дома абгулялі «АКМ-Юніёр», Тукач набраў пяць ачкоў

Хакеісты бабруйскага «Дынама-Шынніка» паспяхова пачалі заключную ў 2024 годзе хатнюю серыю ў рэгулярным чэмпіянаце Маладзёжнай хакейнай лігі.

У чацвер падапечныя Андрэя Міхалёва прымалі «АКМ-Юніёр» з Тулы. Гаспадары няўдала ўвайшлі ў гульню, аддаўшы першы перыяд з лікам 0:2. Аднак у другой 20-хвілінцы бабруйчане выправілі сітуацыю, закінуўшы чатыры разы запар. У заключнай трэці нашы хлопцы дадалі яшчэ дзве шайбы, узамен атрымаўшы толькі адну. У выніку 6:3 на карысць «Дынама-Шынніка», дубль аформіў Мацвей Шыдлоўскі, таксама дакладныя кідкі ў складзе нашай каманды нанеслі Арсеній Чухраеў, Ілля Лахноў, Аляксандр Яцэнка і Дзмітрый Тукач, які да таго ж аддаў чатыры галявыя перадачы.

Гэтая перамога стала для бабруйскага клуба сёмай у васьмі апошніх матчах. Юныя дынамаўцы вярнуліся на першае месца ў «Сярэбраным» дывізіёне Заходняй канферэнцыі МХЛ, у «шыннікаў» 36 ачкоў за 22 гульні. Заўтра нашыя хакеісты правядуць паўторны паядынак супраць «АКМ-Юніёра», сустрэча на «Бабруйск-Арэне» стартуе ў 17:00.

БЕЛТА