Хакеісты «Дынама-Шынніка» другі раз запар разграмілі «Хорс Карэлію» ў МХЛ

Хакеісты бабруйскага «Дынама-Шынніка» працягнулі пераможную серыю ў рэгулярным чэмпіянаце Маладзёжнай хакейнай лігі сезона-2024/25.

У чацвер падапечныя Андрэя Міхалёва другі раз за два дні сустракаліся з «Хорс Карэліяй» у Кандапозе. Стартавую трэць каманды звялі да нічыёй, у другім перыядзе бабруйчане паразілі чужыя вароты тройчы, а ў заключным - чатыры разы. Гаспадары здолелі адказаць на гэта толькі двума дакладнымі кідкамі, фінальная сірэна ў выніку зафіксавала лік 8:3 на карысць «Дынама-Шынніка». Дубль за гасцей аформіў Багдан Белкін, па галу дадалі Мікалай Салыга, Арсеній Чухраеў, Аляксандр Яцэнка, Алег Хомчанка, Андрэй Краўчук і Дзмітрый Хобян.

Паядынак каманд напярэдадні таксама скончыўся разгромнай вікторыяй юных дынамаўцаў - 5:0. Усяго пераможная серыя нашай каманды налічвае чатыры матчы, у выязной серыі «шыннікі» ідуць без параз. Бабруйчане працягваюць узначальваць табліцу «Срэбнага» дывізіёна Заходняй канферэнцыі МХЛ, набраўшы 63 ачкі за 38 гульняў. Далей прадстаўнікоў Беларусі ў МХЛ чакае гасцявы матч з тульскай «Акадэміяй Міхайлава» 16 студзеня.

БЕЛТА