RU BY EN 中文
Twitter Instagram

Хакеісты «Дынама-Шынніка» па булітах прайгралі «Чырвонай Арміі» ў МХЛ

Хакеісты бабруйскага «Дынама-Шынніка» не здолелі атрымаць датэрміновую перамогу ў «Сярэбраным» дывізіёне Заходняй канферэнцыі Маладзёжнай хакейнай лігі.

У перадапошнім матчы «рэгуляркі» бабруйчане дома сустракаліся з галоўным канкурэнтам за лідэрства ў дывізіёне – маскоўскай «Чырвонай Арміяй». Госці адкрылі лік ужо на 52-й секундзе паядынку, адказ у нашай каманды знайшоўся ў сярэдзіне гульнявога адрэзка, аўтарам гола стаў Мікіта Хадаровіч. У пачатку другога перыяду масквічы зноў захапілі лідэрства, але ў заключнай трэці Аляксандр Яцэнка зраўняў лічбы на табло. Сустрэча перайшла ў авертайм, а адтуль і ў серыю булітаў, дзе дакладней аказаліся госці. У выніку паражэнне беларусаў з лікам 2:3.

Такім чынам, каманды зраўняліся на першым месцы ў «Срэбным» дывізіёне Заходняй канферэнцыі, маючы перад вырашальным вочным матчам па 80 ачкоў. Заключны паядынак «гладкага» чэмпіянату паміж «Дынама-Шыннікам» і «Чырвонай Арміяй» адбудзецца сёння ў «Бабруйск-Арэне», пачатак у 19.00. Пераможца гэтай гульні стане ўдзельнікам элітнага «Залатога»ф дывізіёна МХЛ у наступным сезоне.

БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая