Хакеісты «Дынама-Шынніка» паўторна абгулялі «Акадэмію СКА-Юніёр» у МХЛ

Бабруйскі клуб «Дынама-Шыннік» атрымаў другую перамогу на старце рэгулярнага чэмпіянату Маладзёжнай хакейнай лігі.

У чацвер падапечныя Андрэя Міхалёва ў другі раз за два дні прымалі на «Бабруйск-Арэне» чырванагорскую каманду «Акадэмія СКА-Юніёр». Паядынак напярэдадні скончыўся разгромнай перамогай гаспадароў з лікам 6:1, але сённяшняя сустрэча складалася для нашых хлопцаў няпроста. Юныя дынамаўцы выйшлі наперад у пачатку другога перыяду дзякуючы Дзмітрыю Хобяну, але затым апынуліся ў становішчы адстаючых, прапусціўшы двойчы за дзве хвіліны.

На старце заключнай трэці Мікалай Салыга з перадачы Данііла Ліпскага зраўняў лік, а на 55-й хвіліне матча выканаўцы памяняліся ролямі: Мікалай асіставаў, а Данііл закінуў - 3:2. Аднак за час, які застаўся, госці паспелі забіць, і сустрэча перайшла ў авертайм, дзе Салыга аформіў дубль і ўсё ж прынёс «Дынама-Шынніку» перамогу - 4:3.

З чатырма ачкамі пасля двух матчаў наша каманда ўзначаліла табліцу «Срэбнага» дывізіёна Заходняй канферэнцыі МХЛ. Далей бабруйчан чакаюць два запар хатнія паядынкі супраць маскоўскіх «Крылаў Саветаў», якія пройдуць 8 і 9 верасня.

СБ