Хакеісты «Дынама-Шынніка» выйгралі першы матч раунда плэй-ін МХЛ

Хакеісты бабруйскага «Дынама-Шынніка» ўдала стартавалі ў раўндзе плей-ін Маладзёжнай хакейнай лігі сезона-2024/25.

Пуцёўку ў чвэрцьфінал Заходняй канферэнцыі падапечныя Андрэя Міхалёва аспрэчваюць з чарапавецкім «Алмазам». Па выніках рэгулярнага чэмпіянату нашы хлопцы занялі другое месца ў «Срэбным» дывізіёне Захаду, хакеісты «Алмаза» фінішавалі сёмымі ў элітным «Залатым» дывізіёне канферэнцыі. У «гладкім» сезоне бабруйчане і чарапаўчане сустракаліся двойчы, абодва разы пераможцамі з лёду сыходзілі юныя дынамаўцы (7:5 і 1:0).

Стартавы паядынак серыі да дзвюх перамог адбыўся на «Бабруйск-Арэне». Першы перыяд гаспадары скончылі з адставаннем у дзве шайбы, але ў другой трэці Арсеній Елісееў скараціў адставанне, а ў заключнай 20-хвілінцы Дзмітрый Хобян аднавіў парытэт. Сустрэча перайшла ў авертайм, дзе перамогу «Дынама-Шынніку» прынёс Аляксандр Яцэнка - 3:2.

Другі матч супрацьстаяння адбудзецца ў Чарапаўцы 28 сакавіка. У выпадку поспеху бабруйскі клуб упершыню ў гісторыі выйдзе ў плэй-оф Маладзёжнай хакейнай лігі, а таксама заваюе права выступіць у «Залатым» дывізіёне МХЛ у наступным сезоне. Калі ў пятніцу пераможа «Алмаз», каманды чакае вырашальны трэці паядынак.

БЕЛТА