Хакеісты «Дынама-Шынніка» з перамогі пачалі хатнюю серыю і выйшлі ў плэй-ін МХЛ

Хакеісты «Дынама-Шынніка» ўдала пачалі чарговую хатнюю серыю ў рэгулярным чэмпіянаце Маладзёжнай хакейнай лігі сезона-2024/25.

У сераду падапечныя Андрэя Міхалёва сустракаліся з «Сахалінскімі Акуламі». Да сярэдзіны матчу бабруйчане саступалі саперніку з лікам 0:3, але затым разгарнулі ход сустрэчы на 180 градусаў, адыграўшы адну шайбу ў другім перыядзе, а затым паразіўшы чужыя вароты пяць разоў у заключнай трэці. Вынік гульні - 6:3, галявы і асістэнцкі дублі за дынамаўцаў аформіў Дзмітрый Хобян, па адным дакладным кідку нанеслі Арцём Капусцін, Андрэй Краўчук, Мацвей Ладуцька і Мікалай Салыга, у актыве якога таксама тры дзейсныя перадачы.

Раней «Дынама-Шыннік» датэрмінова выйшаў у кваліфікацыйны раунд плэй-ін Заходняй канферэнцыі МХЛ - бабруйскі клуб працягвае ўзначальваць «Срэбны» дывізіён і ўжо сапраўды не апусціцца ў ім ніжэй за трэцяе месца. Серыю за выхад у плэй-оф Кубка Харламава беларусы ў канцы сакавіка згуляюць з адной з каманд «Залатога» дывізіёна, якая скончыць рэгулярку ў ніжняй частцы табліцы. Заўтра «Дынама-Шыннік» і «Сахалінскія Акулы» правядуць паўторны паядынак, пачатак - у 19.00.

БЕЛТА