Хакеісты «Дынама-Шынніка» завяршылі хатнюю серыю ў МХЛ без параз

Хакеісты бабруйскага «Дынама-Шынніка» выйгралі апошні хатні матч 2024 года ў Маладзёжнай хакейнай лізе.

У аўторак падапечныя Андрэя Міхалёва другі раз за два дні прымалі «Рускіх Віцязяў» з Балашыхі. Ужо на трэцяй хвіліне Канстанцін Валочка вывеў гаспадароў наперад, а да перапынку Ілья Лахноў і Максім Газдзевіч забяспечылі бабруйчанам камфортны зачын - 3:0. Яшчэ па шайбе ў заключнай трэці дадалі Багдан Папоўскі і Мацвей Шыдлоўскі, госці за ўвесь матч здолелі правесці толькі адну дзейсную атаку. Фінальны лік - 5:1 на карысць «Дынама-Шынніка».

Напярэдадні нашыя хакеісты таксама святкавалі перамогу над падмаскоўным клубам (4:3), а ў канцы лістапада бабруйчане пакінулі без ачкоў тульскі «АКМ-Юніёр» (6:3 і 3:1). Дзякуючы максімальнаму выніку на родным лёдзе юныя дынамаўцы захавалі першае месца ў табліцы «Сярэбранага» дывізіёна Заходняй канферэнцыі МХЛ, у актыве каманды 42 ачкі. Да канца каляндарнага года «шыннікі» правядуць яшчэ дзевяць матчаў, усё - на выездзе. Бліжэйшая гульня адбудзецца 10 снежня ва Уладзівастоку.

БЕЛТА