Ігар Бокій выйграў першае золата на Паралімпійскіх гульнях у Парыжы

У першы дзень спаборніцтваў Паралімпіяды Бокій выступіў на стомятроўцы батэрфляем у класе S13, на якой ён з'яўляецца сусветным рэкардсменам. Па выніках ранішняй сесіі Бокій выйшаў у фінал з лепшым часам, праплыўшы дыстанцыю за 54,93 сек. У вячэрнім вырашальным заплыве Ігар пераадолеў 100 м за 54,13 сек. і заваяваў золата, апярэдзіўшы які стаў другім француза Алекса Порталя на чвэрць секунды.

«Ігар паказаў выдатны вынік, лепшы за апошнія тры гады, - адзначыў трэнер спартоўца Генадзь Вішнякоў. - Мы надалі шмат увагі базавай, тэхнічнай і псіхалагічнай падрыхтоўцы. Ігар - сапраўдны баец і вельмі дасведчаны плывец, ён змог рэалізаваць прапанаваную трэнерам праграму працы, таму зараз знаходзіцца ў аптымальных спартовых кандыцыях».