Ірына Курачкіна атрымала перамогу на чэмпіянаце Еўропы па барацьбе

У сталіцы Румыніі Бухарэсце 18 лютага завяршыўся чэмпіянат Еўропы па барацьбе, удзел у якім у нейтральным статусе прынялі беларускія спартсмены.

Другое золата кантынентальнага форуму Беларусі прынесла Ірына Курачкіна, якая выступае ў вагавой катэгорыі да 57 кг. Напярэдадні наша спартсменка ў папярэдніх сутычках засмуціла малдаванку Міхаэлу Самаіл, італьянку Аўрору Русо і польку Ангеліну Лысак; сёння той жа лёс напаткаў прадстаўніцу Балгарыі Эвеліну Нікалаву. Вынік фіналу - 7:2 на карысць беларускі.

Медаль вышэйшай пробы стаў для Курачкінай ужо трэцім на чэмпіянатах Еўропы пасля поспехаў у 2018 і 2021 гадах. Акрамя таго, у актыве Ірыны ёсць перамогі на Кубку свету і Еўрапейскіх гульнях у Мінску, а таксама ўзнагароды чэмпіянатаў свету і Алімпійскіх гульняў. Раней у гэты дзень таксама трохразовай чэмпіёнкай кантынента стала Ванэса Каладзінская.

БЕЛТА