Каманда Магілёўскай вобласці першынствавала ў камандным заліку чэмпіянату Беларусі па кросе

Каманда Магілёўскай вобласці першынствавала ў камандным заліку чэмпіянату Беларусі па кросе, які завяршыўся ў Каробчыцах (Гродзенскі раён).

Спартсмены з Прыдняпроўскага рэгіёна зарабілі 36 ачкоў, апярэдзіўшы дружыны Гродзенскай вобласці (33 ачкі) і Мінска (28).

У спаборніцтвах на дыстанцыі 1,5 км у мужчын перамогу атрымаў Арцём Калачоў (Гродзенская вобласць – Мінск) – 4 хв. 11 сек. Другое месца заняў брастаўчанін Павел Небыт – 4 хв. 13 сек. Гамяльчанін Вадзім Старасценка з вынікам 4 хв. 14 сек. замкнуў тройку наймацнейшых.

У жанчын на гэтай дыстанцыі не было роўных Кацярыне Карнеенка (Мінская-Магілёўская вобласці) – 4 хв. 41 сек. Другое месца заняла магіляўчанка Ілона Іванова – 4 хв. 50 сек. Трэцяя пазіцыя ў выніковым пратаколе ў гродзенскай бягунні Вікторыі Кушнір – 4 хв. 54 сек.

На дыстанцыі 8 км у мужчын золата выйграў Сяргей Платонаў з Магілёўскай вобласці – 25 хв. 03 сек. Серабро пакінуў за сабой мінчанін Сяргей Краўчэня – 25 хв. 07сек. Брастаўчанін Павел Міхнюк стаў уладальнікам бронзы – 25 хв. 07 сек.

У стартах на 6 км у жанчын першынствавала магіляўчанка Ніна Савіна – 20 хв. 29 сек. Сярэбраная ўзнагарода дасталася Кацярыне Карнеенка (Мінская-Магілёўская вобласці) – 21 мін. 01 сек. Гродненка Людміла Ляховіч выйграла бронзу – 21 хв.

Па выніках спаборніцтваў знайшлі сваіх уладальнікаў прызы найлепшым спартсменам турніру. Яны былі ўручаны Сяргею Платонаву і Кацярыне Карнеенка адпаведна.

БЕЛТА