Каманда Магілёўскай вобласці заняла другое месца на чэмпіянаце Беларусі па спартыўнай хадзе

У Гродне правялі чэмпіянат Беларусі па спартыўнай хадзе і рэспубліканскія спаборніцтвы «Нашы надзеі». У турніры прыняло ўдзел 147 спартсменаў з усіх рэгіёнаў краіны.

У камандным заліку зборная Магілёўскай вобласці заняла другое месца.

У асабістым заліку сярэбраны медаль чэмпіянату краіны на дыстанцыі 35 км у жанчын заваявала Анастасія Родзькіна. На дыстанцыі 5 км у юніёраў пераможцам стаў Андрэй Самасюк. Бронзавыя ўзнагароды ў хадзе на 5 км сярод юнакоў і дзяўчат 2003–2004 гадоў нараджэння выйгралі Сяргей Юхно і Алёна Чарнушэвіч. На дыстанцыі 3 км сярод юнакоў 2005–2006 г. н. другім фінішаваў Арсен Котаў, а на дыстанцыі 1 км у дзяўчат 2007–2008 г.н. «серабро» заваявала Дар’я Ласікава.

Перамаглі ў камандным заліку спартсмены Брэсцкай вобласці, на трэцім месцы прадстаўнікі Гродзеншчыны.

mogilevnews.by