Касавае абсталяванне з 1 студзеня абавязкова пры гандлі харчовымі таварамі на кірмашах

Юрыдычныя асобы і індывідуальныя прадпрымальнікі з 1 студзеня 2023 года абавязаны выкарыстоўваць касавае абсталяванне ў рознічным гандлі харчовымі таварамі, у тым ліку сельскагаспадарчай прадукцыяй, на кірмашах, гандлёвых месцах. Пра гэта паведамілі ў Міністэрстве па падатках і зборах.

«Аднамомантавае падключэнне касавага абсталявання ўсіх зацікаўленых суб’ектаў гаспадарання да сістэмы кантролю не ўяўляецца магчымым. Таму неабходна загадзя набыць праграмныя касы або касавыя падсумоўвальныя апараты, заключыць з інфармацыйна-выдавецкім цэнтрам па падатках і зборах (ІВЦ) грамадзянска-прававы дагавор на рэгістрацыю і інфармацыйнае абслугоўванне ў сістэме кантролю касавага абсталявання, падаць заяўкі на падключэнне да СККА», – адзначылі ў МПЗ.

Перад зваротам у ІВЦ суб’ектам гаспадарання неабходна заключыць дагавор з аператарам праграмнай касавай сістэмы або з цэнтрам тэхнічнага абслугоўвання і рамонту касавых апаратаў.

МПЗ рэкамендуе да набыцця касавых апаратаў і праграмных кас удакладняць у прадаўцоў магчымасць наступнай дапрацоўкі для выкарыстання пры рэалізацыі тавараў, якія падлягаюць маркіроўцы ўніфікаванымі кантрольнымі знакамі або сродкамі ідэнтыфікацыі. Дапрацоўка і замена касавага абсталявання плануецца ў 2023–2025 гадах.

БЕЛТА