КДК Магілёўскай вобласці праверыў ветэрынарныя службы рэгіёна

Праведзеныя Камітэтам дзяржкантролю Магілёўскай вобласці кантрольна-аналітычныя мерапрыемствы па пытаннях арганізацыі і ажыццяўлення кантрольнай (нагляднай) дзейнасці органамі дзяржаўнай ветэрынарнай службы рэгіёна паказалі, што прымаемыя імі меры недастатковыя. Пра гэта паведаміў першы намеснік старшыні ведамства Дзмітрый Захараў.

Так, названымі органамі не быў забяспечаны жорсткі кантроль за выкананнем у жывёлагадоўчых арганізацыях вобласці гадавых планаў супрацьэпізаатычных мерапрыемстваў, а таксама за ліквідацыяй выяўленых парушэнняў тэхналагічных, зоатэхнічных і ветэрынарных патрабаванняў на аб’ектах па ўтрыманні буйной рагатай жывёлы і свінагадоўчых комплексах рэгіёна.

У выніку не ў поўнай меры забяспечвалася прафілактыка і лячэнне асобных жывёл. Пры гэтым мае месца недахоп кадраў, характэрны ў цэлым для ветэрынарных службаў большасці гаспадарак вобласці.

Камітэтам мясцовым органам улады ўнесены канкрэтныя прапановы па выпраўленні сітуацыі. Іх рэалізацыя ўзятая на кантроль.

Рэд.