Кінолаг Магілёўскага абласнога ўпраўлення Дэпартамента аховы і яго гадаванец занялі II месца на чэмпіянаце ўнутраных войскаў па службовым мнагабор’і

У Гомелі адбыўся ХХІ адкрыты чэмпіянат ўнутраных войскаў па службовым мнагабор’і сярод кінолагаў. У спаборніцтве ўдзельнічалі падраздзяленні з усіх рэгіёнаў Беларусі, прадстаўнікі 6 воінскіх часцей і кіналагічнага цэнтра ўнутраных войскаў, кіналагічнага цэнтра Узброеных Сіл, Дэпартамента аховы і Дэпартамента выканання пакаранняў МУС.

У агульнавышуковым профілі на чэмпіянаце змагаліся 19 кінолагаў са сваімі напарнікамі. Размеркаваліся прызавыя месцы ў асабістым заліку і сярод вышуковых сабак. Міліцыянер-кінолаг Магілёўскага абласнога ўпраўлення Дэпартамента аховы Антон Крупень і яго гадаванец Брус занялі другое месца, паведамілі ў рэгіянальным ведамстве.

На базе вайсковай часці 5525 адбылося ўрачыстае закрыццё чэмпіянату і ўзнагароджанне пераможцаў. Кінолагам-фаварытам і прызёрам спаборніцтваў былі ўручаны медалі і дыпломы. Але больш за ўсё прызоў дасталося, вядома, службовым сабакам. Нараўне з традыцыйнымі медалямі чатырохногіх прафесіяналаў узнагародзілі смачнымі падарункамі.

Фота - mogilev.ohrana.gov.by