Рус Бел Eng 中文

«Кіраўск-СДЮШАР» выйшаў у лідары пасля трэцяга тура чэмпіянату Беларусі па пляжным футболе

Пасля трэцяга тура XIII чэмпіянату Беларусі па пляжным футболе, які праходзіў у Гродне, змяніўся лідар. На першае месца падняўся «Кіраўск-СДЮШАР», які пацясніў «Брэст».

Кіраўчане выдатна правялі чарговы этап нацыянальнага першынства, атрымаўшы чатыры вікторыі ў чатырох праведзеных паядынках. Яны па чарзе абгулялі берасцейцаў – 4:2, «Шчучын» – 7:1, Мазырскі «М-Сіці» – 14:0 і Кобрынскае «Палессе» – 8:3. Таксама чатыры перамогі на сваёй пляцоўцы здабыў дзеючы чэмпіён краіны «Гроднааблспорт», які перайграў «М-Сіці» – 4:2, «Брэст» – 5:1, «Палессе» – 5:3 і «Шчучын» – 6:2.

Спартсмены «Палесся» пакуль не набралі ніводнага заліковага бала, пацярпеўшы паражэнне ва ўсіх 12 праведзеных паядынках.

Турнірнае становішча каманд пасля другога тура: «Кіраўск-СДЮШАР» – 32 балы, «Брэст» – 27, «Гроднааблспорт» – 24, «Шчучын» –15, «М-Сіці» – 9 і «Палессе» – 0. Усе клубы згулялі па 12 матчаў.

Сустрэчы чацвёртага тура пройдуць 27–28 чэрвеня ў Мазыры.

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая