«Крычаўцэментнашыфер» нарошчвае інвестыцыі ў мадэрнізацыю вытворчасці.

Звыш Br9 млн у мінулым годзе ўклала ў мадэрнізацыю вытворчасці ААТ «Крычаўцэментнашыфер». Як паведамілі ў Беларускай цэментнай кампаніі, тэмп росту яго інвестыцый у тэхпераўзбраенне вытворчасці склаў 150,9 працэнта. Значны крок наперад у гэтым напрамку зрабіла як само галаўное прадпрыемства, так і яго філіялы.

У прыватнасці, на галаўным прадпрыемстве былі праведзены тэхнічная мадэрнізацыя рукаўных фільтра, мантаж вагавымяральнага абсталявання, мадэрнізацыя даху будынка электрашчытавой аддзялення астуджэння клінкеру, аддзялення памолу вугалю, цэнтральнай лабараторыі і ЦПУ. Таксама набыты 15 універсальных платформ для дастаўкі сыравіны і матэрыялаў чыгуначным транспартам, гусенічны экскаватар для работы ў кар'еры.

А для «Маладзечнажалезабетону» (філіяла ААТ «Крычаўцэментнашыфер») было закуплена абсталяванне для мадэрнізацыі лініі па вытворчасці пліт, каб задаволіць існуючы попыт на знешнім рынку.

У бягучым годзе запланавана ўкласці ўжо Br21,9 млн. інвестыцый у асноўны капітал за кошт уласных сродкаў.

mogilevnews.by