Кубак Беларусі па матацыклетным кросе прымуць Асіповічы 26–27 верасня

Кубак Беларусі па матацыклетным кросе, прысвечаны Дню машынабудаўніка, прымуць Асіповічы 26–27 верасня.

Спаборніцтвы будуць праводзіцца на мотакросавай трасе ў мікрараёне БАМ (за стадыёнам «Юнацтва»).

У першы дзень спаборніцтваў адбудзецца ўрачыстае адкрыццё і заезды класаў 50, 85, 125 куб. см (мужчыны) «Пачатковец», «Нацыянал» і «Ветэран». Мотабаталіі ў класах 65, 125 куб. см (юнакі), «Open», «Open В» і «Матацыкл з каляскай», «ATV sport» пройдуць 27 верасня. Цырымоніі ўзнагароджання пераможцаў і прызёраў будуць праводзіць у канцы кожнага спаборніцкага дня.

Арганізатарамі спаборніцтваў выступаюць Беларуская федэрацыя матацыклетных відаў спорту, Магілёўская абласная арганізацыйная структура ДТСААФ, Асіповіцкая раённая арганізацыйная структура ДТСААФ пры падтрымцы Асіповіцкага райвыканкама.

Распарадак правядзення спаборніцтваў

26 верасня (субота)

11.30 – афіцыйнае адкрыццё спаборніцтваў.

12.00 – пачатак афіцыйных заездаў у класах 50 см³ «Ветэран», 85 см³, 125 см³ (мужчыны), «Нацыянал», «Пачатковец».

Пасля заканчэння заездаў – узнагароджанне пераможцаў і прызёраў спаборніцтваў.

27 верасня (нядзеля):

11.30 – пачатак афіцыйных заездаў у класах 65 см³, 125 см³ (юнакі), Open, Open (група В), «Матацыкл з каляскай», «ATV sport».

Пасля заканчэння заездаў – узнагароджанне пераможцаў і прызёраў спаборніцтваў.