Магіляўчан запрашаюць прыняць удзел у акцыі «#ЗарадкадляДедаМароза»

Магілёўцаў запрашаюць прыняць удзел у акцыі «#ЗарадкадляДзедаМароза». Пра гэта паведамілі ў аддзеле спорту і турызму Магілёўскага гарвыканкама.

Як расказалі суразмоўцы, для гэтага неабходна з 5 па 27 снежня зафіксаваць з дапамогай відэа ці фота сваё любімае фізічнае практыкаванне (прысяданні, аджыманні, бег, набіванне мяча і інш.) і размясціць відэаролік ці серыю фатаграфій на сваёй старонцы ў сацыяльных сетках (Instagram, VK) з хэштэгам #ЗарадкадляДзедаМароза.

«Абавязковай умовай з’яўляецца прысутнасць у кадры якога-небудзь навагодняга атрыбуту: ёлка, адзенне, мішура і іншае. Важная ўмова: профіль павінен быць адкрыты, – растлумачылі ў аддзеле спорту і турызму. – Вынікі акцыі падвядуць 28 снежня».

Сярод усіх удзельнікаў будзе вызначана 5 пераможцаў. Іх узнагародзяць прызамі. Акрамя таго, першыя 100 чалавек, якія выканалі ўмовы, атрымаюць памятны падарунак пасля завяршэння акцыі.

Вынікі з адпаведным хэштэгам, не апублікаваныя ў перыяд правядзення акцыі, улічвацца не будуць.

Рэд.