Магілёў прымае «Фінал чатырох» Кубка Беларусі па міні-футболе

У магілёўскім спарткомплексе «Алімпіец» стартуе «Фінал чатырох» 35-га розыгрышу Кубка Беларусі па міні-футболе.

Сёння ў першым паўфінале дзеючы ўладальнік Кубка краіны аршанскі «Вітэн» будзе сапернічаць з чэмпіёнамі краіны спартсменамі «Сталіцы» (пачатак у 15.00). У другім паўфінальным паядынку ў гомельскім дэрбі сыдуцца ВРЗ і БЧ (пачатак у 18.00). Пераможцы сённяшніх паўфінальных баталій заўтра ў 17.30 разыграюць галоўны трафей. Усе паядынкі вырашальнага кубкавага этапа будуць паказаны ў прамым эфіры тэлеканала «Беларусь 5». У фінальным матчы мінулага кубкавага сезона «Вітэн» абыграў ВРЗ з вынікам 6:4. Для аршанскай каманды гэта чацвёрты трафей. Часцей за іншых уладальнікам Кубка Беларусі станавіўся менскі «Дарожнік», у якога сем перамог.

БЕЛТА