Магілёўскае ДВЛГА: ніякіх дадатковых масавых высечак лесу на фоне павышанага попыту і падаражэння драўніны ў аб’яднанні не вядзецца

У апошні час у розных сацыяльных сетках размяшчаецца інфармацыя з апавяданнямі аб масавай высечцы лясоў па ўсёй краіне. Каментуючы сітуацыю, Магілёўскае дзяржаўнае вытворчае лесагаспадарчае аб’яднанне паведамляе, што ніякіх дадатковых масавых высечак лесу на фоне павышанага попыту і падаражэння драўніны ў аб’яднанні не вядзецца.

Рубка лясоў у Магілёўскай вобласці ідзе згодна з лесаўпарадкавальнымі праектамі лесагаспадарчых устаноў. Усе рубкі планавыя, вядуцца ва ўстаноўленым заканадаўствам парадку. Тым самым забяспечваецца ўстойлівае лесакарыстанне і лесакіраўніцтва.

Агульны запас насаджэнняў Магілёўскай вобласці – сёння ён складае 258,3 млн. м³–пастаянна расце. Напрыклад, на 1 студзеня 2018 года запас насаджэнняў складаў 248,1 млн м³. Штогадовы прырост насаджэнняў складае 4, 83 млн. м³, а высякаецца без шкоды для лясоў значна менш.

Акрамя таго, усе лясгасы Магілёўскай вобласці маюць міжнародныя сертыфікаты FSC і PEFC. Тым самым пры правядзенні высечак пацвярджаюцца беражлівыя адносіны да лесу ўсіх лясгасаў Магілёўскага ДВЛГА.