RU BY EN 中文
Twitter Instagram

Магілёўскі «Барысфен» згуляе першы паядынак 29-га баскетбольнага чэмпіянату Беларусі 3 кастрычніка ў СК «Алімпіец»

Беларуская федэрацыя баскетбола зацвердзіла каляндар 29-га чэмпіянату краіны. Мужчынскі чэмпіянат Беларусі стартуе 26 верасня.

У першым туры дзеючы сярэбраны прызёр Магілёўскі «Барысфен» у стартавы дзень спаборніцтваў не гуляе, а свой першы паядынак новага першынства правядзе 3 кастрычніка ў СК «Алімпіец» супраць баскетбалістаў рэспубліканскага дзяржаўнага вучылішча алімпійскага рэзерву (РДВАР). Пачатак гульні ў 15.00.

На першым этапе чэмпіянату, які павінен завяршыцца 13 лютага 2021 года, 11 каманд правядзе двухкругавы турнір. Затым яны будуць падзелены на дзве групы: У А згуляюць клубы, якія занялі месцы з першага па шостае, у В – з сёмага па адзінаццатае. На другім этапе ў кожнай групе пройдуць чатырохкругавыя турніры. Па выніках другога этапу, які плануецца завяршыць 10 красавіка, вызначацца восем удзельнікаў чвэрцьфінальнай стадыі: першая шасцёрка і дзве найлепшыя каманды з групы В. Серыі за ўзнагароды стартуюць 15 мая, а фінішуюць не пазней за 26 мая.

 

Пры выкарыстанні матэрыялаў актыўная гіперспасылка на mogilev-region.gov.by абавязковая