«Магілёўскі мясакамбінат» вырабіць вараную каўбасу рэкорднай даўжыні да абласных «Дажынак»

ААТ «Магілёўскі мясакамбінат» вырабіць вараную каўбасу рэкорднай даўжыні да абласных «Дажынак», паведамляе са спасылкай на галоўнага эксперта кнігі рэкордаў Беларусі Кірыла Шымко.

Як удакладняецца, у межах абласной урачыстасці аграрнай сферы «Дажынкі-2022» мясцовы вытворца адважыўся на рэкорднае дасягненне. На прадпрыемстве вырабяць вараную каўбасу больш за 50 м у даўжыню.

Па словах Кірыла Шымко, раней у Беларусі папулярны прадукт у такіх памерах не выраблялі. «Наша дасягненне будзе зафіксавана ў Нацыянальным рэестры беларускіх рэкордаў. Па выніку дасягнення галоўным экспертам Кнігі рэкордаў Беларусі ва ўрачыстай абстаноўцы на свяце «Дажынкі-2022» будзе выдадзены адпаведны сертыфікат», – растлумачыў ён.

Прадугледжана таксама смачная частка праграмы – дэгустацыя прадукцыі Магілёўскага мясакамбіната. Хопіць гасцям свята і відовішчаў: плануецца дэманстратыўнае прыгатаванне страў беларускай нацыянальнай кухні.

Свята адбудзецца ў Слаўгарадзе 15 кастрычніка.

БЕЛТА