У сталічным Палацы спорту стартаваў Адкрыты Кубак Рэспублікі Беларусь па фехтаванні.
Удзел у спаборніцтвах бяруць наймацнейшыя фехтавальшчыкі нашай краіны, а таксама прадстаўнікі Расіі. У стартавы дзень Кубка Беларусі былі разыграны два індывідуальныя камплекты ўзнагарод - у мужчын і жанчын у фехтаванні на шаблях. У мужчынскім турніры перамогу атрымаў Арцём Новікаў з каманды Магілёўскай вобласці, які ў фінале быў мацнейшы за мінчаніна Івана Насенніка. Бронзу падзялілі Артур Галайдзенка (Мінская вобласць) і Яўген Кажэнеўскі (Гродна).
У жаночым заліку залаты медаль выйграла прадстаўніца Міншчыны Яна Собаль, серабро - у сталічнай шаблісткі Кацярыны Рагачэўскай. На трэцюю прыступку п'едэстала гонару ўзняліся брэстаўчанка Алена Бачварава і Марыя Сырадоева з каманды Мінскай вобласці.
Перад фінальнымі паядынкамі адбылася цырымонія адкрыцця турніру, удзел у якой узялі вялікія беларускія фехтавальшчыкі, чэмпіёны свету і Алімпійскіх гульняў Віктар Сідзяк і Аляксандр Раманькоў. У сераду на Адкрытым Кубку краіны высвятляць адносіны будуць шпажысты, завершацца спаборніцтвы 19 кастрычніка турнірамі сярод рапірыстаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 11:59
24.04.2024 - 09:53
Ігар Бокій выйграў другое золата чэмпіянату Еўропы па параплаванню
22.04.2024 - 09:46
Магіляўчанін Ягор Шарамкоў выйграў бронзу ў апорным скачку на этапе Кубка свету ў Досе
19.04.2024 - 11:05
Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары
18.04.2024 - 17:56
Адкрыты турнір па фехтаванні «Меч Машэкі» праходзіць у Магілёве
17.04.2024 - 12:23