Магілёўскую вобласць на VIII Гульнях «Дзеці Азіі» ў Якуцку (Расія) прадставяць 17 спартсменаў. Аб гэтым карэспандэнту сайта расказаў намеснік начальніка аддзела вучэбна-спартыўнай, арганізацыйнай і турыстычнай работы ўпраўлення спорту і турызму Магілёўскага аблвыканкама Ігар Драздоў.
Як расказаў субяседнік, нашы спартсмены прымуць удзел у васьмі відах спорту: валейбол, гімнастыка мастацкая, стральба з лука, дзюдо, барацьба вольная, бокс, лёгкая атлетыка і баскетбол. У зборнай - чэмпіёны і прызёры Беларусі, рэкардсмены па відах спорту ў сваіх узроставых катэгорыях.
За каманду валейбалістаў выступяць Данііл Жаланнікаў і Іван Чырычэнка. У зборнай мастацкай гімнастыкі выступіць Ясенія Парэцкая, якая вярнулася з перамогамі з краін БРІКС, якія прайшлі нядаўна. Канстанцін Сівухін і Мілана Апатава будуць абараняць гонар зборнай Беларусі ў стральбе з лука. Максім Строкун, Дар'я Мітрафанава і Ангеліна Шынкарова будуць змагацца за перамогу ў дзюдо. У зборную па барацьбе вольнай увайшлі Максім Ісаеў, Данііл Нагавіцын, Дар'я Свістунова і Дар'я Нагорная. У боксе за званне лепшага ў сваіх вагавых будуць змагацца Назар Буйлаў, Мікіта Гайдук, Уладзіслаў Жардзецкі. Максім Гапаў выступае ў лёгкай атлетыцы. У баскетбольнай камандзе - наш зямляк Ілля Баранаў.
Даведачна: VIII Гульні «Дзеці Азіі» стартавалі з сённяшняга дня і працягвацца па 7 ліпеня. У праграме - спаборніцтвы па 24 відах спорту. Удзельнікі разыграюць 224 камплекты медалёў.
Талісманамі мультыспартыўнага формума выступяць маманцяня Модун і бурундук Саіна.
Цырымонія адкрыцця Гульняў пройдзе 26 чэрвеня на стадыёне «Туймаада»: гледачоў чакае трохгадзінная праграма, якая ўключае парад дэлегацый спартсменаў і флагаў краін-удзельніц, вакальныя і харэаграфічныя нумары, а таксама выступленні вядомых артыстаў.
Прамую трансляцыю цырымоніі адкрыцця VIII «Дзеці Азіі», а таксама спартыўныя спаборніцтвы можна ўбачыць на афіцыйным сайце Міжнароднага камітэта «Дзеці Азіі» cagic.org.
Галіна Гаўрыловіч, фота Міністэрства спорту і турызму Рэспублікі Беларусь
Пры выкарыстанні матэрыялаў актыўная гіперспасылка на mogilev-region.gov.by абавязковая
25.06.2024 - 13:19
Адкрыты турнір «Кубак дружбы» па настольным тэнісе стартаваў у Магілёве
24.06.2024 - 17:34
20.06.2024 - 09:48
Алеся Гетманава заваявала золата Гульняў БРІКС у жаночай барацьбе
17.06.2024 - 11:12