Рус Бел Eng 中文

На інвестыцыйным форуме «Млын поспеху» падпісаны дакументы больш чым на $ 170 млн.

На XI Міжнародным інвестыцыйным форуме «Млын поспеху» падпісана дагавораў, пратаколаў аб намерах, пратаколаў намераў і пагадненняў больш чым на $ 170 млн. Іх рэалізацыя забяспечыць стварэнне больш як 650 новых працоўных месцаў. У мінулым годзе сума па ўсіх падпісаным дакументам была $ 70 млн., перадае карэспандэнт сайта.

Падчас цэнтральнай падзеі форуму – пленарнага пасяджэння – адбылося завярэнне 11 дакументаў, якія спрыяюць развіццю дзелавых сувязяў паміж краінамі, адкрываюць новыя магчымасці для прыцягнення інвестыцый у эканоміку Магілёўскай вобласці.

У прыватнасці, падпісаны дзве інвестыцыйныя дамовы: паміж Рэспублікай Беларусь і таварыствам з абмежаванай адказнасцю «БР-Вуд» аб рэалізацыі інвестыцыйнага праекта «Арганізацыя новай лесапільнай і пялетнай вытворчасці», а таксама паміж Рэспублікай Беларусь і прыватным вытворчым унітарным прадпрыемствам «Газасілікат Люкс» аб рэалізацыі інвестыцыйнага праекта «Будаўніцтва медыцынскага цэнтра па вул. Бялыніцкага-Бірулі ў г. Магілёве».

Акрамя таго, было заверана сем пратаколаў аб намерах:

- паміж Магілёўскім аблвыканкамам і замежным таварыствам з абмежаванай адказнасцю «Белдан» па стварэнні «Аграпрадпрыемства «Белданінвест» па вытворчасці збожжа і дацкай беконнай свініны, магутнасцю 4 800 свінаматак, 145 000 галоў фінішараў у год, 16 000 тон мяса ў «жывой вазе» за год паблізу аграгарадка Бель Крычаўскага раёна Магілёўскай вобласці»;

- паміж Магілёўскім аблвыканкамам і таварыствам з абмежаванай адказнасцю «Олдсіці» па рэалізацыі інвестыцыйнага праекта «Рэканструкцыя з элементамі рэстаўрацыі фасадаў будынка гісторыка-культурнай каштоўнасці Рэспублікі Беларусь і будаўніцтва шматфункцыянальнага будынка з паркінгам па завулку Камісарыяцкаму ў горадзе Магілёве»;

- паміж Магілёўскім аблвыканкамам і таварыствам з абмежаванай адказнасцю «СаюзЭкспаВугаль» па рэалізацыі інвестыцыйнага праекта «Стварэнне вытворчасці па вырабе драўнянага вугалю ў г. Касцюковічы»;

- паміж Магілёўскім гарвыканкамам і таварыствам з абмежаванай адказнасцю ТАА «ЮрБудМаш» па рэалізацыі інвестыцыйнага праекта «Будаўніцтва шматкватэрнага жылога комплексу ў межах праспекта Міра і вуліцы Каралёва ў горадзе Магілёве»;

- паміж Магілёўскім гарвыканкамам і таварыствам з абмежаванай адказнасцю «Факультэт будаўніцтва» па рэалізацыі інвестыцыйнага праекта «Будаўніцтва шматфункцыянальнага цэнтра па вуліцы Сіманава ў раёне скрыжавання з праспектам Шміта ў г. Магілёве з добраўпарадкаваннем прылеглай тэрыторыі»;

- паміж Магілёўскім гарвыканкамам і таварыствам з абмежаванай адказнасцю «Белбургер» аб рэалізацыі інвестыцыйнага праекта па стварэнні двух рэстаранаў хуткага абслугоўвання пад брэндам «Hesburger» з добраўпарадкаваннем прылеглай тэрыторыі.

Таксама падпісана два пратаколы намераў: аб супрацоўніцтве па стварэнні навукова-тэхналагічнага парку ў Бабруйску паміж гарвыканкамам і таварыствам з абмежаванай адказнасцю «ІнКата» і паміж Бабруйскім гарвыканкамам і таварыствам з абмежаванай адказнасцю «ГРЫНрозніца» аб рэалізацыі інвестыцыйнага праекта па будаўніцтву шматфункцыянальнага цэнтра ў горадзе на Бярэзіне.

Пагадненне аб супрацоўніцтве падпісалі адкрытае акцыянернае таварыства «Магілёўскае агенцтва рэгіянальнага развіцця» і Цэнтр падтрымкі прадпрымальніцтва і інавацый (горад Айзенах, Германія).

На секцыях пісьмова замацавалі яшчэ шэраг дакументаў. Так, быў завераны План сумесных дзеянняў па развіцці Беларуска-Індыйскага супрацоўніцтва на 2019-2020 гады. Адміністрацыя СЭЗ «Магілёў» і кансалтынгавая кампанія Patel Group падпісалі пагадненне аб супрацоўніцтве. Пратакол аб намерах заключаны паміж камітэтам эканомікі Магілёўскага аблвыканкама і таварыствам з дадатковай адказнасцю «Автэра» па рэалізацыі інвестыцыйнага праекта «Будаўніцтва гандлёвага цэнтра па вул. Кірава – вул. Крупскай – вул. Бялінскага ў г. Магілёве з добраўпарадкаваннем прылеглай тэрыторыі».

У рамках «Млына поспеху» 29 чэрвеня плануецца заключыць чатыры дамовы аб пабрацімстве ў Бабруйску. Так, горад на Бярэзіне мае намер парадніцца з раёнам Аненій-Ной (Малдова), упраўленнем савета Заходне-Варшаўскага раёна (Польшча), Навамаскоўскам і ўправай раёна Сакольнікі Усходняй Адміністрацыйнай акругі Масквы (Расія).

Пры выкарыстанні матэрыялаў актыўная гіперспасылка на mogilev-region.gov.by абавязковая