Найлепшага педагога дадатковай адукацыі вобласці выберуць 25 студзеня ў Магілёве

Фінал рэгіянальнага конкурсу «Педагог дадатковай адукацыі» сярод спецыялістаў устаноў дададукацыі дзяцей і моладзі адбудзецца 25 студзеня ў Магілёве на базе Абласнога цэнтра творчасці.

Удзельнікамі спаборніцтва стануць 16 канкурсантаў, якія прайшлі ў лістападзе-снежні 2017 года.

Праграма фіналу будзе ўключаць два асноўныя этапы: самапрэзентацыю «Знаёмцеся – гэта я!» і псіхолага-педагагічнае тэставанне «Ад тэорыі да практыкі». Па выніках конкурсу журы вызначыць пераможцу, кандыдатура якога будзе прапанаваная да разгляду на прысуджэнне звання «Найлепшы па прафесіі», а таксама двух лаўрэатаў, якія набралі найбольшую колькасць балаў.

Абласны конкурс «Педагог дадатковай адукацыі» праходзіць у рэгіёне ў 11 раз. У гэтым годзе спаборніцтва праводзіцца сярод педагогаў устаноў дадатковай адукацыі дзяцей і моладзі з ахопам да 1 тыс.

навучэнцаў. Спаборніцтва накіравана на абагульненне і распаўсюджванне перадавога вопыту ў сістэме дадатковай адукацыі, выяўленне таленавітых, творчых спецыялістаў. Арганізатарам конкурсу выступае ўпраўленне адукацыі Магілёўскага аблвыканкама. Агульнае кіраўніцтва падрыхтоўкай і правядзеннем ажыццяўляе ДУДА «Абласны цэнтр творчасці».