Новая, больш эканамічная, паравая турбіна хутка будзе запушчана на Магілёўскай ЦЭЦ-2. Яна будзе працаваць толькі па цеплафікацыйным цыкле, што дасць магчымасць знізіць расход умоўнага паліва на водпуск электраэнергіі. Паводле ацэнкі спецыялістаў, пасля ўводу новай турбіны ў эксплуатацыю ў бягучым годзе ўдасца зэканоміць каля 2,6 тысячы тон умоўнага паліва.
Уключыць новую турбіну плануецца ў красавіку. Для паспяховага ўводу абсталявання ў работу неабходна зладжаная работа ўсіх падрадных і субпадрадных арганізацый, занятых мантажом і наладкай цеплатэхнічнага абсталявання.
Як паведамляе РУП «Магілёўэнерга», мантажныя і пуска-наладачныя работы выйшлі на фінішную прамую. Цяпер спецыялісты філіяла разам з падраднай арганізацыяй ААТ «БЭРГ» ажыццяўляюць устаноўку кантрольна-вымяральных прыбораў і аўтаматыкі, а таксама адладку аўтаматызаваных сістэмам кіравання тэхналагічным працэсам. Яна ўключае паверку датчыкаў, абарон і блакіровак, а таксама метралагічную блакіроўку вымяральных каналаў кантролераў OMRON. Наладку ЭУЧ ЭГСАР ажыццяўляюць шэф-інжынеры ЗАТ «КТЗ» і АТ «ІНТАЙ».
Пры выкарыстанні матэрыялаў актыўная гіперспасылка на mogilev-region.gov.by абавязковая
22.04.2025 - 09:37
Магілёўская асацыяцыя прамыслоўцаў пашырае міжнародныя кантакты (відэа)
17.04.2025 - 09:05
